-rat१२p१२.jpg -
P२५N७७०२४
चिपळूण : शहरातील रस्त्यांवर पडलेले खड्डे बुजवण्याची नागरिकांकडून मागणी होत आहे.
-------

चिपळुणातील खड्ड्यांनी नागरिक त्रस्त
वाहनचालकांची कसरत ; चार दिवसातच पुन्हा पडतात खड्डे
सकाळ वृत्तसेवा
चिपळूण, ता. १२ ः पालिकेकडून काही दिवसांपूर्वी शहरातील रस्त्यांवर खड्डे भरण्याचे काम करण्यात आले होते; मात्र काही कालावधीच हेच खड्डे पुन्हा रस्त्यांवर दिसू लागले आहेत.
शहरातील मुख्य बाजारपेठेत, चिंचनाक्यात अजिंक्य आर्केड बिल्डिंगसमोर, खाटीक आळी परिसर, गोवळकोट रोड परिसर, वांगडे मोहल्ला, पेटमाप, रॉयलनगर परिसरासह अन्य अनेक ठिकाणी रस्त्यांना मोठे खड्डे पडले आहेत. शहरातील काही खड्डे इतके मोठे आहेत की, त्यामध्ये वाहने आदळतात. पाग बौद्धवाडी येथून वीरेश्वर कॉलनीकडे जाणाऱ्या जोडरस्त्यावर खड्डे पडले होते, हे पालिकेने बुजवले; मात्र चारच दिवसात पुन्हा नव्याने खड्डे पडले. त्यामुळे या मार्गावरून प्रवास करणाऱ्या प्रवाशांना केवळ चारच दिवस दिलासा मिळाला. वाशिष्टी नदीतील गाळ काढताना तो काही ठिकाणी साठा करून ठेवण्यात आला आहे. शहरातील रस्त्यांवर पडलेल्या खड्ड्यात नदीतील गाळ टाकून खड्डे बुजवले जातात. तेव्हा लहान लहान दगड खड्ड्यातून वर येतात आणि त्यामुळे दुचाकींचा अपघात होतो.

कोट
रस्त्यांची दुरवस्था आणि अपयशी दुरुस्ती यामुळे अपघाताची शक्यता नाकारता येत नाही. शहरवासीय आणि वाहनचालकांकडून ठोस उपाययोजना करण्याची तीव्र मागणी आहे. फक्त तात्पुरती खड्डे भरणी न करता कायमस्वरूपी रस्त्यांची दुरुस्ती व्हावी, असा आग्रह नागरिकांनी धरला आहे.
- मंदार भावे, चिपळूण ग्रामस्थ