-rat१२p२०.jpg-
P२५N७७०३९
संगमेश्वर ः एकमेकांवर धडकलेल्या मोटारी.
--------
चुकीच्या फलकामुळे आरवलीत अपघात
सकाळ वृत्तसेवा
संगमेश्वर, ता. १२ ः मुंबई-गोवा महामार्गावर अनेक ठिकाणी चुकीच्या पद्धतीने वळण रस्ते तयार केले आहेत. अनेक ठिकाणी त्या संदर्भात दिशादर्शक फलक लावलेले नाहीत. अशाच एका वळण रस्त्यावर आरवली येथे दोन मोटारींची समोरासमोर धडक झाली. यामध्ये किरकोळ जखमी होण्यावर निभावले. आरवलीच्या नवीन पुलावरील झालेल्या या अपघातामुळे पुन्हा एकदा या वळण रस्त्याचा प्रश्न चर्चेत आला आहे. ठेकेदाराने मनमानी पद्धतीने असे वळण रस्ते तयार केले असल्याने ते वाहनचालकांच्या जिवावर येत आहेत, याबद्दल संतप्त प्रतिक्रिया उमटत आहेत.