77295

नाधवडेत औदुंबर सेवा ट्रस्टतर्फे वृक्षारोपण
तळेरे, ता. १३ ः नाधवडे येथील प. पु. (कै.) श्री. प्रभाकर नारकर प्रणित औदुंबर सेवा ट्रस्ट नाधवडे (गावठण) यांच्या वतीने गुरूपौर्णिमा उत्सवाचे औचित्य साधून अरविंद सावंत सरदार माध्यमिक विद्यालयात वृक्षारोपण कार्यक्रम घेण्यात आला.
यावेळी नाधवडे येथील मुंबई स्थित उद्योजक तथा औदुंबर सेवा ट्रस्टचे सर्वेसर्वा हनुमंत नारकर यांच्या हस्ते वृक्षारोपण करण्यात आले. यावेळी त्यांच्या समवेत कलमठ ग्रामविकास अधिकारी प्रशांत कुडतरकर, शंकर प्रासादिक सेवा सोसायटी उपाध्यक्ष संतोष पेडणेकर, नाधवडे ग्रामविकास मंडळाचे खजिनदार रविंद्र खांडेकर, औदुंबर सेवा ट्रस्टचे खजिनदार रुपेश कुडतरकर, सचिव दिपक पावस्कर, जिल्हा बँक वैभववाडी शाखेचे प्रल्हाद कुडतरकर, मुंबई विध्यानिधी शाळा जुहुचे मुख्याध्यापक संतोष पेडणेकर, मुंबई जोगेश्वरी शाळेचे कला शिक्षक संतोष शैलार, माजी तंटामुक्ती अध्यक्ष संतोष सावंत, मुख्याध्यापिका सौ.अलदर, शिक्षिका सौ. धामापुरकर, सौ. बाईप, शिक्षक पाटणकर आदी उपस्थित होते.