‘आयसीएस’त विद्यार्थी संसद स्थापन
सकाळ वृत्तसेवा
खेड, ता. १४ : सहजीवन शिक्षणसंस्थेच्या आय. सी. एस. कला, वाणिज्य व विज्ञान महाविद्यालयात महाराष्ट्र माहिती तंत्रज्ञान आणि उच्च शिक्षण विभाग यांच्याकडून करिअर कट्टा या उपक्रमांतर्गत विद्यार्थी संसदेची स्थापना करण्यात आली आहे. या संसदेची रचना करताना प्राप्त मार्गदर्शनानुसार विद्यार्थ्यांचे स्वतंत्र मंत्रिमंडळ तयार करण्यात आले आहे.
महाविद्यालयात स्थापन केलेल्या संसदेचा कालावधी २०२५-२६ हे शैक्षणिक वर्ष आहे. यामध्ये मुख्यमंत्रिपदी अब्दुल करीम याची निवड करण्यात आली आहे. नियोजनमंत्री, कायदे व शिस्तपालन मंत्री, सामान्य प्रशासन मंत्री, माहिती व प्रसारण मंत्री, उद्योजकता विकासमंत्री, रोजगार व स्वयंरोजगार मंत्री, कौशल्य विकासमंत्री, संसदीय कार्यमंत्री, महिला व बालकल्याणमंत्री अशा पदांवर विद्यार्थ्यांच्या नेमणुका केल्या आहेत. विद्यार्थी संसदेअंतर्गत कार्यरत प्रतिनिधींनी कोणते कार्य करावे तसेच त्यांना कोणत्या संधी उपलब्ध आहेत, या विषयाचे मार्गदर्शन करिअर कट्टा समन्वयक डॉ. सी. आर. साळुंखे यांनी केले. प्राचार्या प्रो. डॉ. अनिता आवटी यांनी मार्गदर्शन केले.