swt1411.jpg
77422
नांदगाव ः रुग्णवाहिकेचे लोकार्पण करताना सरपंच रविराज मोरजकर. बाजूला उपसरपंच साटविलकर व इतर.

नांदगाव आरोग्य केंद्रात
रुग्णवाहिकेचे लोकार्पण
सकाळ वृत्तसेवा
नांदगाव, ता. १४ः प्राथमिक आरोग्य केंद्र नांदगाव येथे जिल्हा नियोजनमधून मिळालेल्या नूतन रुग्णवाहिकेचे उद्घाटन व लोकार्पण सरपंच रविराज मोरजकर यांच्या हस्ते श्रीफळ वाढवून करण्यात आले. नांदगाव प्राथमिक आरोग्य केंद्रासाठी जिल्हा नियोजनमधून २२ लाख रुपये किंमतीची रुग्णवाहिका उपलब्ध झाली आहे. या रुग्णवाहिकेचा आज लोकार्पण सोहळा पार पडला.
यावेळी सरपंच मोरजकर, उपसरपंच इरफान साटविलकर, माजी बांधकाम सभापती नागेश मोरये, डॉ. तृप्ती देसाई, डॉ. वर्षा मगदूम, पंचायत समिती माजी सदस्या हर्षदा वाळके, आयनल सरपंच दहिबावकर, असलदे माजी सरपंच पंढरी वायंगणकर, ग्रामपंचायत सदस्य विठोबा कांदळकर, संतोष बिडये, शंकर मोरये, तंटामुक्त समितीचे अध्यक्ष राजा नावलेकर, राजा म्हसकर, संतोष जाधव, राजू तांबे, राजेंद्र मोरजकर, आरोग्य सहाय्यक दीपक कांबळे, आरोग्य सहायिका विदया पवार, आरोग्य निरीक्षक लक्ष्मण राठोड, आरोग्य सहायिका तुप्ती दळवी, औषध निर्माण अधिकारी संदीप साटम आदींसह बहुसंख्येने नागरिक उपस्थित होते. गुरुपौर्णिमेच्या निमित्ताने पुरोहित शरद गगनग्रास यांनी पूजा केल्यानंतर रुग्णवाहिकेचे लोकार्पण करण्यात आले.