- RATCHL१४३.JPG-
२५N७७४२८
चिपळूण ः छत्रपती शिवाजी महाराजांच्या पुतळ्यास अभिवादन करताना शिवसेनेचे पदाधिकारी.

शिवसेनेतर्फे चिपळुणात आनंदोत्सव
१२ किल्ल्यांना जागतिक मान्यता ; शिवपुतळ्यास अभिवादन
सकाळ वृत्तसेवा
चिपळूण, ता. १४ ः युनेस्कोने छत्रपती शिवाजी महाराजांच्या बारा ऐतिहासिक किल्ल्यांचा जागतिक वारसा यादीत समावेश करून महाराष्ट्राच्या गौरवशाली इतिहासाला जागतिक पातळीवर मान्यता दिली आहे. या ऐतिहासिक विजयाचा आनंद व्यक्त करत चिपळूणवासियांनी शिवसेनेतर्फे श्री छत्रपती शिवाजी महाराजांच्या अश्वारूढ पुतळ्याला पुष्पहार अर्पण केला.
चिपळूण येथे झालेल्या या कार्यक्रमावेळी ‘जय भवानी, जय शिवाजी’च्या घोषणांनी परिसर दुमदुमून गेला. उपस्थितांनी छत्रपती शिवाजी महाराजांच्या स्मृतीस अभिवादन केले तसेच युनेस्कोच्या निर्णयाचे स्वागत केले. महाराष्ट्राच्या सांस्कृतिक, ऐतिहासिक वैभवाला जागतिक व्यासपीठावर स्थान मिळाल्याबद्दल शिवसेनेच्या पदाधिकाऱ्यांनी समाधान व्यक्त केले. या वेळी महिला आघाडीच्या जिल्हाप्रमुख रश्मीताई गोखले, तालुकाप्रमुख संदेश आयरे, शहरप्रमुख उमेश सकपाळ, महिला आघाडी शहरप्रमुख प्राजक्ता टकले, माजी उपनगराध्यक्ष सुधीर शिंदे, माजी नगरसेवक महंमद फकीर, करामत मिठागरी, युवासेना शहरप्रमुख विनोद पिल्ले तसेच शिवसेनेचे सर्व पदाधिकारी, महिला आघाडी, युवासेना व शिवसैनिक मोठ्या संख्येने उपस्थित होते.