77462

आचरा आरोग्य केंद्रामध्ये
कर्करोग जनजागृती मोहीम
सकाळ वृत्तसेवा
आचरा, ता. १४ ः कर्करोगाबाबत लोकांमध्ये जागरूकता निर्माण व्हावी, मनातील भीती कमी व्हावी, या उद्देशाने महाराष्ट्र आरोग्य विभागामार्फत राष्ट्रीय आरोग्य अभियानांतर्गत प्राथमिक आरोग्य केंद्र आचरा येथे आयोजित कर्करोग तपासणी व जनजागृती मोहीम राबविण्यात आली. शिबिराचा प्रारंभ शिवसेना जिल्हाप्रमुख दत्ता सामंत यांच्या हस्ते फीत कापून करण्यात आला. यावेळी आचरा सरपंच जेरॉन फर्नांडिस, उपजिल्हाप्रमुख महेश राणे, युवती जिल्हाप्रमुख सोनाली पाटकर, तालुकाप्रमुख बाईत, दीपक पाटकर, आचरा उपसरपंच संतोष मिराशी, डॉ. प्रमोद कोळंबकर, जयप्रकाश परुळेकर, अभय भोसले, अभिजित सावंत, बाबू कदम, गुरू कांबळी, ग्रामपंचायत सदस्य महेंद्र घाडी, चंदू कदम, तालुका आरोग्य अधिकारी सुधीर धणगे, डॉ. स्वप्नील बोदमवाड, डॉ. समीर धाकोटकर, डॉ. पद्मजा कुंभारवाड, आचरा आरोग्य अधिकारी डॉ. जुवेरिया मुजावर यांसह अन्य आरोग्य कर्मचारी, ग्रामस्थ उपस्थित होते. या शिबिरात सुसज्ज कॅन्सर डायग्नॉस्टिक व्हॅनमार्फत रुग्णांची तपासणी करण्यात आली. कॅन्सर डायग्नॉस्टिक व्हॅन एक महिना कालावधीमध्ये जिल्हा, उपजिल्हा, ग्रामीण रुग्णालय व प्राथमिक आरोग्य केंद्र स्तरावर कर्करोग संशयित लाभार्थ्यांची तपासणी करणार आहे.