77683

मिलाग्रीस हायस्कूलमध्ये
मॉन्सून स्पोर्ट्स उत्साहात
सावंतवाडी, ता. १५ ः येथील मिलाग्रीस हायस्कूलमध्ये दोन दिवसीय मॉन्सून स्पोर्ट्सचे आयोजन करण्यात आले. यामध्ये फुटबॉल, व्हॉलीबॉल, बास्केटबॉल, रस्सीखेच, कबड्डी, डॉजबॉल या खेळांचा समावेश होता.
उद्‍घाटनाचा कार्यक्रम मान्यवरांच्या हस्ते पार पडला. प्रमुख पाहुणे म्हणून प्रशालेच्या माजी विद्यार्थिनी व राष्ट्रीय कॅरमपटू केशर निर्गुण, उपरकर शूटिंग अॅकॅडमीचे संचालक कांचन उपरकर तसेच प्रशालेचे व्यवस्थापक फादर मिलेट डिसोझा उपस्थित होते. क्रीडाज्योत प्रज्वलित करून कार्यक्रमाची सुरुवात करण्यात आली. मुख्याध्यापक फादर रिचर्ड सालदाना यांनी सर्वांना शुभेच्छा देत आपल्या जीवनातील खेळाचे महत्त्व स्पष्ट केले. यावेळी हायस्कूल पर्यवेक्षिका संध्या मुणगेकर, इंग्रजी पर्यवेक्षिका क्लिटा परेरा, मराठी प्रायमरी मुख्याध्यापिका सिस्टर कविता उपस्थित होत्या. विजेत्या संघांना मेडल्स व ट्रॉफी देऊन गौरविण्यात आले.
....................

77681

तेंडोली आवेरा शाळेला साहित्य
कुडाळ, ता. १५ ः जिल्हा परिषद शाळा तेंडोली आवेरा येथे माजी शिक्षक अनंत गावकर यांनी आपल्या मुलाच्या वाढदिनानिमित्त शाळेतील सर्व विद्यार्थ्यांना शैक्षणिक साहित्याचे वाटप केले. सामान्यतः वाढदिवस केक कापून साजरा केला जातो. मात्र, खेड्यातील विद्यार्थ्यांना शैक्षणिक मदत व्हावी, या उद्देशाने यशवंत गावकर यांच्या ३२ व्या वाढदिवसानिमित्त शाळेतील सर्व विद्यार्थ्यांना शैक्षणिक साहित्याचे वाटप केले. सर्व विद्यार्थ्यांना खाऊ वाटपही करण्यात आले. गावकर यांच्या या दातृत्वाबद्दल तेंडोली आवेरा शाळा व्यवस्थापन समिती, पालक, ग्रामस्थ, शिक्षक, विद्यार्थी यांनी आभार मानले. यावेळी शाळेतील सर्व विद्यार्थी, मुख्याध्यापक व शिक्षक उपस्थित होते.