परुळे येथे गुरुवारी
कर्करोग चिकित्सा
म्हापण ः सार्वजनिक आरोग्य विभाग महाराष्ट्र शासन, प्राथमिक आरोग्य केंद्र, परुळे व ग्रामपंचायत परुळेबाजारच्या संयुक्त विद्यमाने गुरुवारी (ता. १७) ग्रामपंचायत परुळेबाजार येथे सकाळी ९.३० ते सायंकाळी ५ या वेळेत कर्करोग तपासणी व्हॅनच्या माध्यमातून मोफत कर्करोग तपासणी करण्यात येणार आहे. कर्करोगाबद्दल मार्गदर्शन करण्यात येणार आहे. याचा जास्तीत जास्त लोकांनी लाभ घ्यावा, असे आवाहन परुळे प्राथमिक आरोग्य केंद्र व परुळेबाजार ग्रामपंचायतीतर्फे करण्यात आले आहे.
..................
सावंतवाडीत रविवारी
वेद पाठशाळेची सभा
सावंतवाडी ः भटवाडी येथील वेदशास्त्र संस्कृत पाठशाळा न्यासाची वार्षिक सर्वसाधारण सभा रविवारी (ता. २०) होणार आहे. दुपारी साडेतीनला ही सभा होणार आहे. सर्व सभासदांनी उपस्थित राहून कामात सहभागी व्हावे, असे आवाहन कार्यकारिणीतर्फे कार्यवाह घनश्याम गणपुले यांनी केले आहे.