swt168.jpg
77900
समृध्दी राऊळ, अनुष्का राऊळ, स्वरा गवस, वैभवी परब

मळगाव इंग्लिश स्कूलच्या
चार विद्यार्थिनींचे शिष्यवृत्तीत यश
सकाळ वृत्तसेवा
सावंतवाडी, ता. १६ः महाराष्ट्र राज्य परीक्षा परिषद पुणे यांच्या वतीने आयोजित पूर्व माध्यमिक शिष्यवृत्ती परीक्षा (आठवी) व पूर्व उच्च प्राथमिक शिष्यवृत्ती परीक्षा (पाचवी) या दोन्ही परीक्षांमध्ये मळगाव इंग्लिश स्कूल मळगाव विद्यालयाच्या चार विद्यार्थिनींनी नेत्रदीपक यश संपादन केले. प्रशालेच्या चारही विद्यार्थिनींनी शिष्यवृत्ती गुणवत्ता यादीत स्थान प्राप्त केले.
पूर्व माध्यमिक शिष्यवृत्ती परीक्षेत वैभवी परब (८० टक्के) ही राष्ट्रीय ग्रामीण शिष्यवृत्ती प्राप्त करून तालुक्यात दुसरी व जिल्ह्यात सहावी आली. तसेच समृद्धी राऊळ (७१ टक्के) गुणांसह तालुक्यात द्वितीय व जिल्ह्यात दहावा, अनुष्का राऊळ (५८ टक्के) हिने तालुक्यात तृतीय व जिल्ह्यात १७ वा क्रमांक, पूर्व उच्च प्राथमिक शिष्यवृत्ती परीक्षेत स्वरा गवस (७१.३३) हिने तालुक्यात १५ वा, जिल्ह्यात ६६ वा क्रमांक पटकावला.
यशस्वी विद्यार्थिनींचे व मार्गदर्शक शिक्षकांचे मळगाव ऐक्यवर्धक संघाचे अध्यक्ष शिवराम मळगावकर, सचिव आर. आर. राऊळ, शाळा समिती चेअरमन मनोहर राऊळ, मुख्याध्यापक मारुती फाले, पर्यवेक्षक विठ्ठल सावंत, सर्व संस्था पदाधिकारी व शाळा समिती पदाधिकारी, शिक्षक शिक्षकेतर कर्मचारी, माता-पालक संघ, शिक्षक-पालक संघ, माजी विद्यार्थी परिवार पंचक्रोशीतील ग्रामस्थांनी अभिनंदन करून पुढील वाटचालीस शुभेच्छा दिल्या. या शिष्यवृत्ती परीक्षेसाठी मुख्याध्यापक फाले, पर्यवेक्षक सावंत, सहाय्यक शिक्षक ओमप्रकाश तिवरेकर, प्रज्ञा मातोंडकर, बाबाजी सावंत, शैलजा आसोलकर, वैभव दगडखैर, नेहा गोसावी, ऋतुजा सावंत-भोसले यांनी मार्गदर्शन केले.