rat16p20.jpg
77922
धामणसे : श्री रत्नेश्वर ग्रंथालयाच्या आवारातील कदंब झाडाच्या पहिल्या वाढदिवशी कलिंगड कापून वाढदिवस साजरा करताना विद्यार्थी, ग्रंथालयाचे अध्यक्ष उमेश कुळकर्णी व अन्य.
rat16p21.jpg-
77923
धामणसेती २० दिवंगतांच्या नावे विद्यार्थ्यांना रोपे दिली. (मकरंद पटवर्धन : सकाळ छायाचित्रसेवा )
-------------
कदंब झाडाच्या पहिल्या वाढदिवसाला ६०० रोपांचे वाटप
श्री रत्नेश्वर ग्रंथालय; धामणसे गावात एक झाड आईच्या नावे
सकाळ वृत्तसेवा
रत्नागिरी, ता. १५ : माणसाचा वाढदिवस केक कापून साजरा केला जातो. पण धामणसे गावात श्री रत्नेश्वर ग्रंथालयाच्या आवारातील कदंब वृक्षाचा पहिला वाढदिवस कलिंगड कापून, पुष्पहार घालून अनोख्या पद्धतीने आज साजरा झाला. त्याशिवाय अध्यक्ष उमेश कुळकर्णी यांनी ग्रंथालयाच्या वतीने ६०० झाडांचे वाटप शालेय विद्यार्थी, ग्रामस्थांना केले.
पंतप्रधान नरेंद्र मोदी यांनी गेल्या वर्षी मन की बात या कार्यक्रमात एक झाड आईच्या नावे लावण्याचा उपक्रम सुचवला. त्यानुसार गेल्यावर्षीही ग्रंथालयाने पुढाकार घेत झाडे वितरित केली. यंदा उमेश कुळकर्णी यांनी संकल्पनेत भर घातली व गावच्या विकासासाठी योगदान देणाऱ्या २० व्यक्तींच्या नावे सुद्धा रोपे वाटली. कदंब झाडाला ज्यांनी ग्रंथालयाला मोफत जागा दिली त्यांच्या मातोश्री (कै.) शकुंतला शंकर कानडे यांचे नाव देण्यात आले.
सरपंच अमर रहाटे यांनी सांगितले, संस्थेने कसे जागरूकपणे कार्यक्रम करावे हे उमेश कुळकर्णी यांनी नाविन्यपूर्ण कार्यक्रम, उपक्रमातून दाखवले आहे. ग्रंथालयाचे यंदा सुवर्णमहोत्सवी वर्ष आहे. या वेळी रत्नागिरी जिल्हा कृषी, औद्योगिक संघ संचालक व ग्रामपंचायत सदस्य ऋतुजा कुळकर्णी, तंटामुक्ती अध्यक्ष दीपक जाधव, ग्रंथालयाचे उपाध्यक्ष विलास पांचाळ, चिटणीस मुकुंद जोशी, सदस्य प्रशांत रहाटे, अनंत जाधव, विश्वास धनावडे, स्मिता कुलकर्णी, ग्रामपंचायत सदस्य दीपक रेवाळे, ग्रंथपाल केशव कुळकर्णी, लिपिक अविनाश लोगडे उपस्थित होते.

चौकट १
विद्यार्थी आनंदित
प्राथमिक व माध्यमिक शाळेतील विद्यार्थ्यांना, ग्रामस्थांना काजू, बेल, चिंच, आवळा, सोनचाफा, पेरू, खैर, साग व कडूनिंब या प्रकारच्या चांगल्या दर्जाच्या ६०० रोपांचे मोफत वाटप केले. विद्यार्थ्यांनी झाडे लावा, झाडे जगवा, उन्हातान्हात हवी असेल सावली तर वृक्ष लावा पावलोपावली अशा घोषणा देऊन फलकांद्वारे जागृती केली. रोप मिळाल्यानंतर विद्यार्थी आनंदित झाले व सर्वांनी रोप जगवण्याची शपथ घेतली.

कोट
रत्नेश्वर ग्रंथालयाला ५० वर्षे पूर्ण होत आहेत. एका पेटीत पुस्तके ठेवून हे ग्रंथालय सुरू झाले. पूर्वीच्या लोकांनी ग्रंथालय चालवले, टिकवले. त्यामुळेच आम्हाला संधी मिळाली. आपल्याला काम करायचे असेल तर आपली रेष मोठी करावी लागते. विद्यार्थ्यांनी वाचन करावे, वाचल्याशिवाय आपण प्रगती करू शकत नाही.
- उमेश कुळकर्णी, अध्यक्ष.