78000
कारिवडे शाळा क्र. १ ला
ग्रामपंचायतीकडून साहित्य
सकाळ वृत्तसेवा
ओटवणे, ता. १६ ः ग्रामीण भागांतील विद्यार्थांना अद्ययावत तंत्रज्ञानाचे ज्ञान मिळावे, या उद्देशाने कारिवडे ग्रामपंचायतीने पुढाकार घेतला आहे. कारिवडे येथील जिल्हा परिषद प्राथमिक शाळा क्र.१ ला एक संगणक भेट देण्यात आला. तसेच शैक्षणिक साहित्यासह सेमी इंग्रजी पुस्तके वाटप करण्यात आले.
विद्यार्थ्यांना सेमी इंग्रजी शिक्षण मिळावे, या उद्देशाने शाळा व्यवस्थापन समितीने ग्रामपंचायतीचे लक्ष वेधले. या विषयावर सरपंच आरती माळकर, ग्रामपंचायत सदस्य महेश गावकर, सामाजिक कार्यकर्ते अशोक माळकर यांनी तत्काळ दखल घेऊन सेमी इंग्रजी गणित विषयाची पुस्तके शाळेला भेट दिली व शाळेत सेमी इंग्रजी शिक्षण सुरू केले. तसेच वह्या व कंपास वाटप करण्यात आले. या योगदानाबद्दल शाळा व्यवस्थापन समिती, शिक्षक व ग्रामस्थांनी ग्रामपंचायतीचे विशेष आभार मानले. ग्रामपंचायत सदस्य गावकर, ग्रामपंचायत सदस्या प्रतिभा जाधव, पोलिसपाटील प्रदीप केळुसकर, आंबोली मंडळ भाजप उपाध्यक्ष अशोक माळकर, शाळा व्यवस्थापन समिती अध्यक्ष अमोल कारिवडेकर, शाळा व्यवस्थापन समिती उपाध्यक्ष श्री. सावंत, माजी शाळा व्यवस्थापन समिती अध्यक्ष उमेश गावकर, सिद्धेश गोसावी, भार्गवी नाईक, मानसी सावंत आदी उपस्थित होते. मुख्याध्यापिका पास्ते यांनी सूत्रसंचलन केले. आंबोलकर यांनी आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.