बांदा येथे उद्या
रक्तदान शिबिर
बांदा, ता. १६ ः ‘बांद्याचा बाप्पा’ नावाने प्रसिद्ध असलेल्या सार्वजनिक गणेशोत्सव मंडळ श्री विठ्ठल मंदिर, बांदातर्फे येथे शुक्रवारी (ता. १८) महारक्तदान शिबिराचे आयोजन केले आहे. सिंधू रक्तमित्र प्रतिष्ठान, सिंधुदुर्ग शाखा सावंतवाडीच्या संयुक्त विद्यमाने या उपक्रमाचे आयोजन केले आहे. रक्तदान शिबिराचे यंदाचे सहावे वर्ष आहे. व्यापारी भुवन (विठ्ठल मंदिर शेजारी) बांदा येथे सकाळी ८.३० ते दुपारी १ या वेळेत हे शिबिर होणार आहे. या शिबिरासाठी सावंतवाडी उपजिल्हा रुग्णालय रक्तपेढी व गोवा बांबोळी रुग्णालय रक्तपेढी रक्त संकलन करणार आहेत. सर्वांनी मोठ्या संख्येने सहभागी व्हावे, असे आवाहन मंडळाचे अध्यक्ष अनय स्वार, उपाध्यक्ष आबा धारगळकर व शिबिरप्रमुख अक्षय मयेकर यांनी केले आहे. या शिबिरात सिंधू रक्तमित्र प्रतिष्ठानतर्फे अवयवदान, देहदान याविषयी जनजागृती व मार्गदर्शन करण्यात येणार आहे. इच्छुकांचे अर्ज भरून घेण्यात येणार आहेत. याबाबत प्रतिष्ठानचे संस्थापक-अध्यक्ष प्रकाश तेंडोलकर मार्गदर्शन करणार आहेत. याचा लाभ घेण्याचे आवाहन प्रतिष्ठानचे सदस्य नीलेश मोरजकर यांनी केले आहे.