wt171.jpg
कुडाळ ः पखवाज वादनात एम.ए. पदवी प्राप्त ओमकार वेंगुर्लेकरचे अभिनंदन करताना पखवाज अलंकार महेश सावंत.

वेंगुर्लेकर पखवाज वादनात एम.ए.
कुडाळः तालुक्यातील पाट येथील मध्यमवर्गीय कुटुंबातील ओमकार वेंगुर्लेकर याने पखवाज वादनात पुण्यश्लोक अहिल्यादेवी होळकर विद्यापीठातून एम.ए. पदवी प्राप्त केली आहे. त्याच्या या यशाबद्दल विचारले असता आपल्या यशाचे श्रेय आई-वडील तसेच काका भजनी बुवा मोहन वेंगुर्लेकर, सुधीर वेंगुर्लेकर, अमरेश वेंगुर्लेकर, पखवाज अलंकार गुरुवर्य महेश सावंत यांना दिले. श्री जगन्नाथ संगीत विद्यालयाचे संचालक, प्रशिक्षक यांनी त्याचे अभिनंदन केले.
.....................
swt173.jpg
78098
आचरा ः सुयश साटेलकरचे अभिनंदन करताना मुंबई समिती पदाधिकारी.

आचरा प्रशालेचे शिष्यवृत्ती परीक्षेत यश
आचराः न्यू इंग्लिश स्कूल आचरा प्रशालेचा आठवीचा विद्यार्थी सुयश साटेलकर याने पूर्व माध्यमिक शिष्यवृत्ती परीक्षेत उज्वल यश संपादन केले. त्याने जिल्ह्यात सातवा क्रमांक मिळविला. पाचवी शिष्यवृत्ती परीक्षेत जिग्नेश भोसले याने यश संपादन केले. दोन्ही विद्यार्थ्यांच्या यशाने शाळेच्या यशात मानाचा तुरा खोवला आहे. त्यांच्या या यशाबद्दल संस्थेचे अध्यक्ष डॉ. प्रदीप मिराशी, कार्याध्यक्ष प्रदीप गोपाळराव परब-मिराशी यांसह सर्व मुंबई समिती पदाधिकारी सदस्य, स्थानिक समितीच्या नीलिमा सावंत, राजन पांगे, बाबाजी भिसळे, अर्जुन बापर्डेकर, रघुनाथ पाटील, मुख्याध्यापक गोपाळ परब, उपमुख्याध्यापक अंकुशराव घुटूकडे, सर्व शिक्षक, शिक्षकेतर कर्मचारी आदींनी अभिनंदन केले.