rat18p6.jpg
78267
राजापूरः अपूर्वाताई सामंत फाउंडेशनच्यावतीने निकिता गोसावी यांना आर्थिक मदतीचा धनादेश देताना शिवसेना जिल्हाप्रमुख राहुल पंडित, अशफाक हाजू, दीपक नागले, सर्वेश तेंडुलकर, प्रसन्न मालपेकर आदी.

सामंत फाउंडेशनतर्फे निकिता गोसावींना एक लाख
अपूर्वा सामंत यांचा पुढाकार; नाटे येथे आगीत झाले होते दुकानाचे नुकसान
सकाळ वृत्तसेवा
राजापूर, ता. १८ः मागील महिन्यात नाटे बाजारपेठेमध्ये लागलेल्या आगीमध्ये निकिता गोसावी यांच्या दुकानाचे नुकसान झाले होते. त्यांना सामंत फाउंडेशनतर्फे अपूर्वा सामंत यांनी एक लाख रुपयांची मदत केली आहे. त्यामुळे बाधित कुटुंबाला आधार मिळाला असून, अपूर्वा यांनी जोपासलेल्या सामाजिक बांधिलकीचे सर्वत्र कौतुक होत आहे.
सामंत फाउंडेशनतर्फे देण्यात आलेल्या मदतीचा धनादेश शिवसेनेचे जिल्हाप्रमुख राहुल पंडित यांच्या हस्ते निकिता गोसावी यांच्याकडे सुपूर्द करण्यात आला. या वेळी शिवसेना उपजिल्हाप्रमुख अशफाक हाजू, तालुकाप्रमुख दीपक नागले, अपूर्वा सामंत यांचे स्वीय सहाय्यक सर्वेश तेंडुलकर, राजापूर कार्यालय प्रमुख प्रसन्न मालपेकर, उमेश चव्हाण, प्राजक्ता पांचाळ, मनोज आडविलकर, स्वरा भोसले, पूजा करंगुटकर, अजय बंदरकर, अल्ताफ बोरकर, साद फडणीस, आतिफ हातवडकर आदी उपस्थित होते.
मागील महिन्यात नाटे बाजारपेठेतील एका इमारतीला आग लागली होती. त्यात इमारतीमधील व्यापार्‍यांचे सुमारे २६ लाख रुपयांचे नुकसान झाले होते. या दुर्घटनेमुळे त्या व्यापार्‍यांना मोठी झळ बसली आहे. या प्रकारात गोसावी यांच्या ब्युटीपार्लरचेही मोठे नुकसान झाले होते. या घटनेची माहिती मिळाल्यानंतर आमदार किरण सामंत यांची कन्या अपूर्वा सामंत यांनी तत्काळ नाटे येथे भेट दिली. तेव्हा व्यापार्‍यांसह गोसावी यांच्याशी संवादही साधला होता. त्या वेळी त्यांनी निकिता यांना मदत करण्याचे आश्वासन दिले होते. त्याची पूर्तताही केली.