बुटाला प्रशालेतील विद्यार्थ्यांना
दानशूर व्यक्तींकडून शैक्षणिक साहित्य
सकाळ वृत्तसेवा
गावतळे, ता. १८ः दापोली तालुक्यातील श्रीमान मथुरभाई बुटाला हायस्कूल व ज्युनियर कॉलेज गावतळे येथे दानशूर व्यक्तींकडून शैक्षणिक साहित्य वाटप करण्यात आले.
भास्कर सावंत हे हिंदुस्तान युनिलिव्हर येथे डेपो मॅनेजर म्हणून कार्यरत आहेत. त्यांनी १५०० वह्या, स्कूल समिती अध्यक्ष एन. वाय. पवार यांनी ५०० वह्या, क्लृप्त्या आणि सुत्रे याची पुस्तकं माजी विद्यार्थ्यांनी दिली तर उद्योजक संदीप जोशी यांनी ३० विद्यार्थ्यांना गणवेश आणि ११ हजार रुपयांचे लादी बसवण्यासाठी, लिलाधर कालेकर यांनी पाचवीच्या वर्गासाठी टीव्हीसंच देऊ, असे सांगितले. त्याचप्रमाणे विनय कदम यांनी दहा हजार रुपये, श्रीकृष्ण घडवले यांनी पाच हजार रुपये व भागवत प्रतिष्ठान यांच्याकडून दहा हजार रुपये प्राचार्या भक्ती सावंत यांच्याकडे सोपवण्यात आले तसेच मान्यवरांच्या हस्ते वह्यांचे वाटप करण्यात आले. या वेळी शाळा व्यवस्थापन समिती अध्यक्ष संदीप मांडवकर, रवींद्र बुटाला, माजी सैनिक संदीप सावंत यांच्यासह शिक्षक, प्राध्यापक, शिक्षकेतर कर्मचारी व विद्यार्थी उपस्थित होते.