rat18p3.jpg-
78264
आरोही मयेकर.

काळबादेवी जिल्हा परिषद शाळेचा
पाचवी शिष्यवृत्ती निकाल १०० टक्के
सकाळ वृत्तसेवा
पावस, ता. १८ः रत्नागिरी तालुक्यातील काळबादेवी येथील जिल्हा परिषद पूर्ण प्राथमिक शाळेचा पाचवी शिष्यवृत्ती परीक्षेचा निकाल १०० टक्के लागला आहे. यामध्ये आरोही मयेकर हिने गुणवत्ता यादीत स्थान पटकावले आहे.
काळबादेवी शाळेतील आरोही मयेकर ही रत्नागिरी जिल्ह्यात ५४वी, तालुक्यात सहावी व शिरगाव बीटात प्रथम आली असून, आराध्य टिकेकर आणि शुभ्रा भोळे हे दोघे शिष्यवृत्ती परीक्षेत पात्र झाले आहेत. यांना शाळेचे पदवीधर शिक्षक महेश आरेकर व उपशिक्षिका वैशाली झोरे यांनी मार्गदर्शन केले. या सर्वांचे गटशिक्षणाधिकारी डी. बी. सोपनूर, शिक्षणविस्तार अधिकारी सरोज आखाडे, केंद्रप्रमुख अमर घाटगे, सरपंच व सर्व सदस्य, शाळा व्यवस्थापन समितीचे अध्यक्ष संदेश बनप व सर्व सदस्य, मुख्याध्यापक शांताराम कोकरे, उपशिक्षक महेंद्र ढाकणे, सर्व पालक व ग्रामस्थ यांनी अभिनंदन केले.