78276
कुडाळ न्यायालयात आरोग्याचे धडे
आंतरराष्ट्रीय न्याय दिनानिमित्त मार्गदर्शन
सकाळ वृत्तसेवा
कुडाळ, ता. १८ ः येथील दिवाणी न्यायालय तथा तालुका विधी सेवा समिती व वकील संघटनेच्या संयुक्त विद्यमाने येथील दिवाणी न्यायालयात आंतरराष्ट्रीय न्याय दिन साजरा करण्यात आला. यावेळी विविध कार्यक्रमांसोबत आरोग्य मार्गदर्शन शिबिर आयोजित केले होते.
येथील तालुका विधी सेवा समितीचे अध्यक्ष तथा दिवाणी न्यायाधीश क-स्तर कुडाळ जी. ए. कुलकर्णी यांच्या अध्यक्षतेखाली हा कार्यक्रम झाला. यावेळी अॅड. सुरेंद्र मळगावकर यांनी ‘आंतरराष्ट्रीय न्याय दिन’ विषयी मार्गदर्शन केले. डॉ. अनिकेत वजराटकर यांच्या उपस्थितीत आरोग्य तपासणी शिबिर आयोजित केले होते. डॉ. वजराटकर यांनी मूळव्याध व बद्धकोष्ठता या सामान्य व त्रासदायक आजारापासून बचाव करण्याचे प्रभावी उपाय सुचविले. कार्यक्रमाचे अध्यक्ष कुलकर्णी दिवाणी न्यायाधीश क-स्तर कुडाळ यांनी आंतरराष्ट्रीय न्याय दिनाबाबत मार्गदर्शन केले व न्यायालयीन कर्मचारी व वकील वर्ग यांना आरोग्याची काळजी घेत न्यायालयीन कामकाजाची सेवा करण्याचे आवाहन केले. या कार्यक्रमात अॅड. आर.डी. बिले, अॅड. विवेक मांडकुलकर, सहाय्यक सरकारी अॅड. श्रीमती अमृता मिरजे आणि ५५ ते ६० न्यायालयीन कर्मचारी व वकील उपस्थित होते. दिवाणी न्यायालयातील कनिष्ठ लिपिक एच. ए. कारेकर यांनी आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.