लाजरी क्रिकेट ग्रुपतर्फे
कुडाळात नाट्यप्रयोग

सकाळ वृत्तसेवा
कुडाळ, ता. १८ ः येथील लाजरी क्रिकेट ग्रुपतर्फे येथील सिद्धिविनायक मंगल कार्यालय (रेल्वेस्टेशन रोड नजिक) येथे ३१ जुलै ते १ ऑगस्ट दरम्यान मॉन्सून महोत्सवाचे आयोजन केले आहे. यात सिंधुदुर्ग जिल्ह्यातील दशावतारी नाट्य क्षेत्रातील आघाडीच्या कलाकारांचा सहभाग असलेले संयुक्त दशावतारचे ‘महायोद्धा इरावन’ आणि ‘थाळी हरण’ असे दोन नाट्यप्रयोग होणार आहेत.
या महोत्सवाचे यंदाचे १३ वे वर्ष आहे. होणारे कार्यक्रम असे ः ३१ ला सायंकाळी ६ वाजता उद्‍घाटन, ६.३० वाजता ‘महायोद्धा इरावन’ हा नाट्यप्रयोग सादर होणार आहे. यात गणपती-प्रतिक कलिंगण, इरावन-दत्तप्रसाद शेणई, विंध्य-सागर गावकर, उलुपी-सुधीर तांडेल, अश्वसेन-महेंद्र कुडव, कृष्ण-नारायण आसयेकर, अर्जुन-मोरेश्वर सावंत, मोहीनी-गोट्या येरागी, दृष्टद्युम्न-उदय मोर्ये, दुर्योधन-सुहास माळकर, शकुनी-गौरव शिर्के, अलंभुष-प्रशांत मयेकर, इंद्र-केशव खांबल, गवाक्ष-सुयश ठाकूर या कलाकारांचा सहभाग आहे. त्यांना हार्मोनिअम मयुर गवळी, पखवाज पियुष खांदारे व तालरक्षक हरेश नेमळेकर यांची संगीत साथ लाभणार आहे. १ ऑगस्टला सायंकाळी ६.३० वाजता ‘थाळी हरण’ हा नाट्यप्रयोग होणार आहे. यात गणपती-प्रतिक कलिंगण, दुर्योधन-प्रसाद तवटे, दुःशासन-दाजी सावंत, जयंद्रथ-संजय काळे, शकुनी-सुनिल खोर्जुवेकर, दुःशीला-यश जळवी, धर्म-आनंद नार्वेकर, अर्जुन-साहील तळकटकर, कृष्ण-बबलू मेस्त्री, ब्रह्मराक्षस-रोहीत नाईक, धौम्य ऋषी-संजय वालावलकर, द्रौपदी-नितीन घाडीगांवकर या कलाकारांचा सहभाग आहे. त्यांना हार्मोनिअम अमोल मोचेमाडकर, पखवाज अर्जुन सावंत व तालरक्षक विनायक राऊळ यांची संगीत साथ लाभणार आहे. सुधीर कलिंगण प्रस्तुत, श्री देव कलेश्वर दशावतार नाट्य मंडळ, नेरूर (ता. कुडाळ) यांचे त्यांना विशेष सहकार्य लाभले आहे. या महोत्सवाचा आनंद घ्यावा, असे आवाहन अध्यक्ष राजू पाटणकर आदींनी केले आहे.