rat18p2.jpg-
78263
रत्नागिरीः तालुक्यातील जिल्हा परिषद प्राथमिक शाळा पूर्णगड क्र. १ मध्ये झालेल्या शिक्षण परिषदेमध्ये प्रशासकीय मार्गदर्शन करताना केंद्रप्रमुख संजय राणे.

पूर्णगड शाळेत विविध देखाव्यांचे सादरीकरण
शिक्षण परिषदेचे आयोजन; नवीन अभ्यासक्रमावर चर्चा
सकाळ वृत्तसेवा
पावस, ता. १८ः रत्नागिरी तालुक्यातील पूर्णगड नं. १ या जिल्हा परिषद शाळेत शिक्षण परिषद केंद्रप्रमुख संजय राणे यांच्या अध्यक्षतेखाली झाली. झाडे वाचवा झाडे जगवा, पर्यावरण वाचवा, मोबाईलचा अतिरेक वापर याची जनजागृती करणारे देखावे हे विशेष आकर्षण ठरले होते.
दीपप्रज्वलन व सरस्वतीपूजनाने परिषदेचे उद्घाटन झाले. या वेळी शाळा व्यवस्थापन समिती अध्यक्षा तारये, वैदेही आंब्रे उपस्थित होते. मुख्याध्यापिका तायशेटे यांनी उपस्थितांचे स्वागत केले. त्यानंतर पहिली नवीन अभ्यासक्रम मराठी, गणित, इंग्रजी या विषयांचे पाठ्यपुस्तक परीक्षण करण्यात आले. विविध कृतीयुक्त गाणी सादर करण्यात आली. त्यात सर्व शिक्षक उत्साहाने सहभागी झालेले होते. या चर्चासत्रात सर्वांनी सहभाग घेतलेला होता.
जि. प. शाळा वाचवा, सरकारी शाळा वाचवा देखावा सादर केला. झाडे वाचवा झाडे जगवा, पर्यावरण वाचवा, मोबाईलचा अतिरेक वापर याची जागृती करणारे देखावे हे विशेष आकर्षण ठरले होते. या वेळी प्रशासकीय मार्गदर्शन राणे यांनी केले. शिक्षण परिषद यशस्वी करण्यासाठी शाळा व्यवस्थापन समिती, पालक, शिक्षक, सजावटीसाठी विद्यार्थ्यांचे सहकार्य होते. हा कार्यक्रम यशस्वी करण्यासाठी मुख्याध्यापिका भारती तायशेटे, पूर्वा वाकडे, भारती शिंगाडे, राजेंद्र रांगणकर यांनी परिश्रम घेतले.