गोदुताई जांभेकर विद्यालयात
कासव संवर्धन कार्यशाळा
सकाळ वृत्तसेवा
रत्नागिरी, ता. १८ : गोदूताई जांभेकर विद्यालयात जलजविका संस्था व कांदळवन प्रतिष्ठानच्यावतीने इकोक्लबच्या माध्यमातून कासव संवर्धन व जनजागृती कार्यक्रम कार्यशाळेचे आयोजन करण्यात आले होते.
कार्यशाळेच्या अध्यक्षस्थानी प्रशालेच्या प्र. मुख्याध्यापिका संजना तारी होत्या. प्रमुख वक्ते कांदळवन प्रतिष्ठानचे सहाय्यक संशोधक मोहन उपाध्ये उपस्थित होते. त्यांनी कासव संवर्धन व जनजागृती या संदर्भात सविस्तर माहिती दिली. रत्नागिरी जिल्ह्यात कासवांच्या संवर्धनासाठी यशस्वी मोहीम राबवण्यात येत आहे. जलजीविका संस्था व कांदळवन प्रतिष्ठानच्यावतीने कासव संवर्धन व जनजागृती कार्यक्रमाचे आयोजन केले होते. रत्नागिरी जिल्ह्यात कासवांच्या संवर्धनासाठी एक यशस्वी मोहीम राबवण्यात येत असल्याचे त्यांनी आवर्जून सांगितले. लोक, संस्था आणि विविध संघटना यांच्या सहकार्याने हे कार्य सुरू असल्याचे सांगितले.
या वेळी चिन्मय दामले, सृष्टी सुर्वे, राज पवार, समृद्धी सनगरे, वेदिका चव्हाण उपस्थित होते. सूत्रसंचालन राष्ट्रीय हरितसेना व इको क्लबप्रमुख धनाजी वाघमोडे यांनी केले.