78332

चिंदर-सडेवाडी प्रशालेच्या
विद्यार्थ्यांनी अनुभवली ‘शेती’

आचरा, ता. १८ ः जिल्हा परिषद प्राथमिक शाळा, चिंदर-सडेवाडी येथील विद्यार्थ्यांनी ‘बांधावरची शाळा’ हा उपक्रम गोसावीवाडी येथील शेतमळ्यात अनुभवला.
प्रशालेतील बहुतांश मुले ही अन्नदाता शेतकरी कुटुंबातीलच आहेत; मात्र शाळेतील सर्व विद्यार्थी, शिक्षक, पालक यांच्या एकत्रित सहभागातील हा अनुभव त्यांच्यासाठी अनोखा ठरला. मुख्याध्यापिका सौ. शुभांगी लोकरे-खोत, शिक्षिका अन्नपूर्णा गायकवाड तसेच पालकवर्ग यांच्या सोबतीने आनंदाने मुले शेतात जमा झाली. शाळा व्यवस्थापन समिती अध्यक्ष किरण कांबळी, सौ. प्रीती कांबळी, सौ. करिष्मा कानविंदे, सौ. सुहासिनी गोसावी, धनश्री गोसावी, मानसी गोसावी, सौ. स्वरा घागरे, सौ. आराध्य कांबळी, शेतकरी जयेश गोसावी, संतोष गोसावी, शामराव गोसावी, सौ. शैलेजा गोसावी आदींच्या सहकार्यातून नेहमीचे प्रशालेचे सर्व उपक्रम यशस्वीपणे केले जातात. त्याच धर्तीवर हा उपक्रम यशस्वी ठरला. शेतकऱ्यांशी संवाद साधत, माहिती जाणून घेण्यात आली. भात लावणी तसेच शेतीबाबत प्रत्यक्ष अनुभव सर्वच मुलांनी एकत्रित अनुभवला. शाळा व्यवस्थापन समिती, शेतकरी या सर्वांच्या सहकार्यातून उपक्रम यशस्वी झाला.