78555
‘सिंधुमित्र’ प्रतिष्ठानतर्फे विद्यार्थ्यांना छत्र्या
ओटवणे : सावंतवाडी येथील सिंधुमित्र सेवा सहयोग प्रतिष्ठानतर्फे दरवर्षीप्रमाणे सावंतवाडी शहरासह तालुक्यातील गरीब व गरजू विद्यार्थ्यांना छत्र्यांचे वितरण केले. प्रतिष्ठानचे अध्यक्ष डॉ. प्रवीणकुमार ठाकरे व इतर पदाधिकाऱ्यांच्या मार्गदर्शनाखाली १५ वर्षांपासून विविध शैक्षणिक उपक्रम राबविण्यात येत असून याच उपक्रमांतर्गत या छत्र्यांचे गरीब व गरजू विद्यार्थ्यांना वाटप केले. सावंतवाडी येथील वि. स. खांडेकर माध्यमिक विद्यालय, ऊर्दू हायस्कूल, सावंतवाडी जिल्हा परिषद पूर्ण प्राथमिक शाळा क्रमांक ४ आणि शाळा क्रमांक ५, माजगाव येथील भाईसाहेब सावंत माध्यमिक विद्यालय, मळगाव येथील मळगाव इंग्लिश स्कूल, ओटवणे येथील श्री रवळनाथ विद्यालय, कोलगाव माध्यमिक विद्यालय, दाणोली येथील बाबूराव पाट्येकर माध्यमिक विद्यालय अशा शहरासह ग्रामीण भागातील एकूण ९ माध्यमिक व प्राथमिक शाळेतील विद्यार्थ्यांना छत्र्या दिल्या.