श्री खेम देवस्थानची नूतन कार्यकारिणी जाहीर
खेड, ता. १८ : शहरातील श्री खेम देवस्थानची २६वी सर्वसाधारण सभा श्रीसंत गोराकुंभार नगर येथे संस्थापक-अध्यक्ष राजेंद्र खेडेकर यांच्या मार्गदर्शनाखाली झाली. नूतन कार्यकारिणीच्या अध्यक्षपदी प्रसाद खेडेकर, तर उपाध्यक्ष संजय खेडेकर, कृष्णा खेडेकर, सचिव राकेश खेडेकर, सहसचिव प्रशांत खेडेकर, खजिनदार दिलीप खेडेकर, गणेश खेडेकर, कार्यकारिणी सदस्य संजय खेडेकर, मंगेश खेडेकर, तेजस खेडेकर, निखिल खेडेकर, साईराज खेडेकर, कुणाल खेडेकर यांची निवड करण्यात आली.
सभेमध्ये पुरातन श्री खेमदेव मंदिर जीर्णोद्धार, वार्षिक वर्गणी वार्षिक हिशेबपत्रके मंजुरी, मंदिर जीर्णोद्धारबाबत देणगी आदी विषय चर्चिले गेले. या वेळी ज्येष्ठ सल्लागार महेंद्र खेडेकर यांनी श्री खेमदेव मंदिर जीर्णोद्धारसाठी २५ हजार ५५५ रुपये व अनिल खेडेकर यांनी ५ हजार रुपयांची देणगी मंडळाकडे सुपूर्द केली. सहसचिव प्रशांत खेडेकर यांनी श्री खेमदेव मंदिर जीर्णोद्धार हे लोकसहभागातून करण्याचे असल्याने भक्तांनी जास्तीत जास्त आर्थिक मदत करावी, असे आवाहन केले.