78572

कुडाळात मंगळवारी जिल्हास्तरीय
‘मुख्यमंत्री चषक’ भजन स्पर्धा

कुडाळ, ता. १९ ः महाराष्ट्राचे मुख्यमंत्री देवेंद्र फडणवीस यांच्या वाढदिवसानिमित्त मंगळवारी (ता. २२) कुडाळ येथे ‘मुख्यमंत्री चषक’ भव्य जिल्हास्तरीय भजन स्पर्धा आयोजित केली आहे. या सोहळ्यामध्ये जिल्ह्यातील सर्व भजनप्रेमींनी सहभागी व्हावे, असे आवाहन भजनी कलाकार संस्था सिंधुदुर्गचे अध्यक्ष बुवा संतोष कानडे यांनी केले आहे.
सिंधुदुर्ग जिल्हा भाजप आणि भजनी कलाकार संस्था सिंधुदुर्ग यांच्यावतीने ही स्पर्धा येथील महालक्ष्मी हॉलमध्ये आयोजित केली आहे. सकाळी ९ वाजता स्पर्धेला सुरुवात होणार आहे. सहभागी भजन मंडळांची निश्चिती उद्या (ता. २०) होणार आहे. भजनी कलाकार संस्था ही नव्याने स्थापन केली असून या संस्थेच्या अध्यक्षपदी कानडे यांची निवड केली आहे. त्याशिवाय नवीन कार्यकारिणी निवडली आहे. भजन स्पर्धा आयोजित करण्याचा निर्णय कार्यकारिणी बैठकीत घेण्यात आला. स्पर्धेतील प्रथम क्रमांकास १५ हजार, द्वितीय ११ हजार व तृतीय क्रमांकास ९ हजार बक्षीस आहे. उत्तेजनार्थ प्रथम ५ हजार, द्वितीय ४ हजार रुपये अशी पारितोषिके आहेत. उत्कृष्ट तबलावादक, गायक, पखवाज वादक, झांज वादकांना प्रत्येकी १ हजार रुपये बक्षीस आहे.