-rat१९p२.jpg -
२५N७८४७९
संगमेश्वरः कोंडअसुर्डे येथे चोरट्याने विस्कटलेले घरातील साहित्य.
---
कोंडअसुर्डेत २७ हजाराची घरफोडी
सकाळ वृत्तसेवा
संगमेश्वर, ता.१९ ः संगमेश्वर तालुक्यातील कोंडअसुर्डे येथे चोरट्याने गुरूवारी मध्यरात्री घरफोडी करून रोख रक्कम, दागिने आणि मोबाईल असा सुमारे २७ हजार ५०० रुपयांचा ऐवज चोरून नेल्याची घटना घडली आहे. या प्रकरणी विनायक कृष्णनाथ संसारे यांनी संगमेश्वर पोलिस ठाण्यात तक्रार दाखल केली आहे. ही घटना १८ जुलैच्या रात्री १२.३० ते सकाळी ६.१५ दरम्यान घडली.
चोरट्याने घरातील कपाट उघडून त्यामधील १० हजार आणि ४ हजार रुपये अशी रोख रक्कम, चांदीच्या दोन जोडव्या, अंदाजे १,५०० रुपये नाण्यांमध्ये, ५०० रुपये किमतीची सोन्याची नाकातील जुनी पुली, सोन्याचा मुलामा असलेली ५०० रुपयांची चेन, ५०० रुपये किमतीचे मंगळसूत्र आणि १० हजार रुपये किमतीचा मोबाईल असा एकूण २७ हजार ५०० रुपयांचा ऐवज चोरून नेला आहे. या प्रकरणी पुढील तपास पोलिस हवालदार व्ही. व्ही. मनवल हे वरिष्ठांच्या मार्गदर्शनाखाली करत आहेत.