78761

सोनुर्ली विद्यालयाचा जिल्ह्यात डंका

‘नॅशनल स्टेम चॅलेंज’मध्ये प्रथम; मुंबई विभागीय स्पर्धेसाठी निवड

सकाळ वृत्तसेवा
सावंतवाडी, ता. २० ः स्टेम लर्निंग मुंबई, ६३ मुन्स टेक्नॉलॉजी आणि ट्रिंकर लॅब यांच्याद्वारे आयोजित ‘नॅशनल स्टेम चॅलेंज’ या सायन्स अँड मॅथ्स मॉडेल मेकिंग आणि टेक इंजिनिअरिंग ट्रिंकरिंग (रोबोटिक सायन्स) या जिल्हास्तरीय स्पर्धेत माऊली माध्यमिक विद्यालय, सोनुर्ली गटाला प्रथम क्रमांक प्राप्त झाला. या गटाची मुंबई येथील विभागीय स्पर्धेसाठी निवड झाली आहे.
चैतन्या गावकर, अथर्व मोर्ये, कौस्तुभ नाईक या विजेत्या गटातील विद्यार्थ्यांनी ‘टच बेस सेन्सर’ हे उपकरण तयार करून त्याचे दर्जेदार सादरीकरण केले. त्यांना विद्यालयाचे उपक्रमशील विज्ञान शिक्षक पांडुरंग काकतकर यांनी मार्गदर्शन केले.
श्री देवी माऊली शिक्षण प्रसारक मंडळ, सोनुर्ली संचलित माऊली माध्यमिक विद्यालयाच्या अद्ययावत मिनी सायन्स सेंटरमध्ये ही स्पर्धा झाली. या स्पर्धेसाठी जिल्ह्यातील ‘स्टेम लर्निंग’द्वारा स्थापित मिनी सायन्स सेंटर असलेल्या शाळांचे विद्यार्थी सहभागी झाले. स्पर्धेचे नियोजन व परीक्षण स्टेम लर्निंग, मुंबईचे सायन्स प्रशिक्षक गौरव पाटील व पुणेचे ट्रिंकर प्रशिक्षक प्रमोद भामरे यांनी केले. केंद्रप्रमुख कमलाकर ठाकूर व रामचंद्र वालावलकर यांनी या स्पर्धेस भेट देत सहभागी विद्यार्थ्यांना मार्गदर्शन केले. यशस्वी विद्यार्थी, मार्गदर्शक शिक्षक काकतकर, तसेच जिल्हास्तरीय स्पर्धेच्या यशस्वी नियोजनाबद्दल मुख्याध्यापक अरुण तेरसे, ज्येष्ठ शिक्षक नितीन गवंडळकर, प्रदीप सावंत, शिक्षकेतर कर्मचारी श्रीराम नाईक, राजेंद्र गावकर, संतोष ओटवणेकर, संदीप जाधव, बापू निर्गुण यांचे देवी माऊली शिक्षण प्रसारक मंडळ, सोनुर्ली संस्थेतर्फे अभिनंदन करण्यात आले.
विद्यार्थ्यांनी मिळविलेल्या या यशाबद्दल जिल्हा शिक्षणाधिकारी कविता शिंपी, ‘डाएट’चे प्रा. राजेंद्र कांबळे यांच्यासह श्री देवी माऊली शिक्षण प्रसारक मंडळ, सोनुर्लीचे अध्यक्ष दिगंबर मोर्ये, उपाध्यक्ष आनंद नाईक, सचिव नारायण मोर्ये, सहसचिव नागेश गावकर, खजिनदार भारती गावकर, संचालक शंकर गावकर, शालेय समिती अध्यक्ष तथा संचालक आनंदी गावकर, भरत गावकर, शरद धाऊसकर, गोविंद धडाम, लक्ष्मीदास ठाकूर, दीपक नाईक, मुकुंद परब, उदय गाड, भूषण ओटवणेकर, तेजस गावकर, महेश राऊळ, सल्लागार गोविंद मोर्ये यांनी अभिनंदन केले.