swt2017.jpg मध्ये फोटो आहे.
आराध्या नाईक, आयुषी शेळके, वेद शेळके

महाडिक विद्यालयाचे
शिष्यवृत्ती परीक्षेत यश
तळेरे : पूर्व उच्च प्राथमिक शिष्यवृत्ती परीक्षा (पाचवी) व पूर्व माध्यमिक शिष्यवृत्ती परीक्षेत (आठवी) येथील वामनराव महाडिक माध्यमिक विद्यालय व कनिष्ठ महाविद्यालयाच्या विद्यार्थ्यांनी यश प्राप्त केले. पाचवीतून आराध्या नाईक हिने राष्ट्रीय ग्रामीणमध्ये प्रथम, आयुषी शेळके हिने ग्रामीण सर्वसाधारण या गटातून जिल्ह्यात आठवा क्रमांक, तसेच आठवीतून वेद शेळके याने ग्रामीण सर्वसाधारण गटातून यश प्राप्त केले. हे तिन्ही विद्यार्थी शिष्यवृत्तीसाठी पात्र ठरले. यशस्वी विद्यार्थी, पालक व मार्गदर्शक शिक्षकांचे प्रशालेचे मुख्य कार्यकारी अधिकारी श्रीकृष्ण खटावकर, शाळा समिती सदस्य, प्रा. अविनाश मांजरेकर आदींनी अभिनंदन केले.