rat22p1.jpg-
79112
रत्नागिरीः सोमेश्वर येथे नायलॉनच्या जाळ्यात अडकलेले खवले मांजर.
----------------
जाळ्यात अडकलेल्या खवले मांजराला जीवदान
सोमेश्वरमध्ये सुटका : वनविभागाने नैसर्गिक अधिवासात सोडले
सकाळ वृत्तसेवा
रत्नागिरी, ता. २२ : तालुक्यातील सोमेश्वर येथे नायलॉनच्या जाळ्यामध्ये अडकलेल्या खवले मांजराला प्राणीमित्र आणि वनविभागाने सुखरूप सुटका करून जीवदान दिले. पशुवैद्यकीय अधिकारी यांच्याकडून तपासणी करून त्याला नैसर्गिक अधिवासात सोडण्यात आल्याची माहिती वनविभागाने दिली.
सोमेश्वर येथील मांडवकरवाडी रस्त्यालगत समीर भातडे यांच्या आंबाबागेत कुंपणाला नायलॉनची जाळी लावली आहे. या जाळ्यामध्ये खवले मांजर अडकले. याची माहिती निसर्गप्रेमी व वन्यप्राणीप्रेमी रोहन वारेकर यांना मिळाली. त्यांनी तत्काळ वनविभागाला कळवले आणि घटनास्थळी जाऊन चिखलामध्ये आणि नायलॉन जाळ्यामध्ये अडकलेल्या खवले मांजराची सुखरूप सुटका केली. त्याची पशुवैद्यकीय अधिकारी यांच्याकडून तपासणी केली. ते सुस्थितीत असल्याने नैसर्गिक अधिवासात सोडले. या वेळी पालीचे वनपाल न्हानू गावडे, जाकादेवी वनपाल शर्वरी कदम, प्राणीप्रेमी महेश धोत्रे उपस्थित होते.