79146

जिल्हा ‘टिंकरिंग’ स्पर्धेत
पटवर्धन हायस्कूलचे यश

सकाळ वृत्तसेवा
कुडाळ, ता. २२ ः माऊली माध्यमिक विद्यालय सोनुर्ली येथे शुक्रवारी (ता. १८) नॅशनल स्टेम प्रोग्राममार्फत घेण्यात आलेल्या जिल्हास्तरीय टिंकरिंग कॉम्प्युटीशनमध्ये प. पू. आप्पासाहेब पटवर्धन माध्यमिक विद्यालय मांडकुली-केरवडे हायस्कूलच्या विद्यार्थ्यांनी उज्वल यश संपादन केले.
आठवीतील विश्राम कदम, नववीतील मयुरेश भोई व गणपत घाडी यांनी या स्पर्धेत सहभाग घेऊन द्वितीय क्रमांक पटकावला. या विद्यार्थांना मार्गदर्शन करणारे प्रशालेचे विज्ञान शिक्षक राहुल कानडे यांचे अभिनंदन प्रशालेचे संस्थाध्यक्ष श्रीधर पेडणेकर, संस्था सचिव अंकुश जाधव, खजिनदार देवदत्त चुबे, संस्था उपाध्यक्ष अर्जुन परब, कार्याध्यक्ष वामन गावडे, मुख्याध्यापक सुरेंद्र खोत, सर्व संचालक, सभासद, ग्रामस्थ, माजी विद्यार्थी, पालक व सर्व शिक्षणप्रेमींनी केले.