-rat२२p२८.jpg-
२५N७९२१०
रत्नागिरी : मुख्यमंत्री सहाय्यता निधीकरिता जिल्हाधिकारी एम. देवेंदर सिंह यांच्याकडे धनादेश स्वामी स्वरूपानंद सहकारी पतसंस्थेचे अध्यक्ष अॅड. दीपक पटवर्धन. सोबत मोहन बापट व हेमंत रेडीज.
-----
‘मुख्यमंत्री सहायता’स एक लाख
स्वरूपानंद पतसंस्था; जिल्हाधिकाऱ्यांना धनादेश सुपूर्द
सकाळ वृत्तसेवा
रत्नागिरी, ता. २२ : मुख्यमंत्री देवेंद्र फडणवीस यांनी वाढदिवसाला शुभेच्छा जाहिरात, बॅनरबाजी न करता मुख्यमंत्री सहाय्यता निधीला मदत करण्याचे आवाहन केले होते. या आवाहनाला प्रतिसाद देत स्वामी स्वरूपानंद सहकारी पतसंस्थेने आज एक लाखाचा धनादेश जिल्हाधिकाऱ्यांकडे सुपूर्द केला. स्वामी स्वरूपानंद सहकारी पतसंस्थेचे अध्यक्ष अॅड. दीपक पटवर्धन यांनी जिल्हाधिकारी एम. देवेंदर सिंह यांच्याकडे आज मुख्यमंत्री सहाय्यता निधीकरिता धनादेश दिला.
मुख्यमंत्री देवेंद्र फडणवीस यांचा आज २२ जुलै रोजी वाढदिवस. या दिवशी अनेक जण शुभेच्छापर जाहिरात देतात, बॅनर लावतात. मात्र हा खर्च करण्याऐवजी मुख्यमंत्री सहाय्यता निधीला मदत करावी, यातून राज्याच्या जनतेला मदत करता येते, असे भावनिक आवाहन मुख्यमंत्री फडणवीस यांनी केले होते. याला सकारात्मक प्रतिसाद देत स्वामी स्वरूपानंद सहकारी पतसंस्थेचे अध्यक्ष अॅड. पटवर्धन यांनी पतसंस्थेच्या वतीने मुख्यमंत्री सहाय्यता निधीकरिता एक लाख रुपयांचा धनादेश देण्याचे सर्वांच्या सहमतीने ठरवले. त्यानुसार आज जिल्हाधिकारी सिंग यांच्याकडे हा धनादेश सुपूर्द करण्यात आला. याप्रसंगी स्वामी स्वरूपानंद सहकारी पतसंस्थेचे व्यवस्थापक मोहन बापट आणि सहव्यवस्थापक हेमंत रेडीज उपस्थित होते. या निधीबद्दल जिल्हाधिकारी एम. देवेंदर सिंह व यांनी अॅड. दीपक पटवर्धन यांचे अभिनंदन केले.