‘फिनोलेक्स’च्या विद्यार्थ्यांचे
पदवी परीक्षेत यश
सकाळ वृत्तसेवा
रत्नागिरी, ता. २३ : फिनोलेक्स अॅकॅडमी ऑफ मॅनेजमेंट अँड टेक्नॉलॉजी अभियांत्रिकी महाविद्यालयाच्या विद्यार्थ्यांनी शैक्षणिक वर्ष २०२४-२५ मध्ये मुंबई विद्यापीठामार्फत घेण्यात आलेल्या पदवी परीक्षेत यश संपादन केले आहे.
या परीक्षेत मास्टर ऑफ कॉम्प्युटर अॅप्लिकेशन या विभागात प्रणय चव्हाण याने सोळावा क्रमांक, ओंकार वेले याने २१वा क्रमांक व वैष्णवी घाग हिने २६वा क्रमांक पटकावला. दरवर्षीप्रमाणे यावर्षीही या महाविद्यालयाच्या विद्यार्थ्यांनी मुंबई विद्यापीठाच्या पदवी परीक्षेत यश मिळवले. या यशाबद्दल फिनोलेक्स अॅकॅडमीच्या अध्यक्षा डॉ. अरुणा कटारा, मॅनेजिंग ट्रस्टी अमृता कटारा, प्राचार्य डॉ. कौशल प्रसाद, सर्व शिक्षक व शिक्षकेतर कर्मचारी यांनी त्यांचे अभिनंदन केले.