जिल्हास्तर वक्तृत्व स्पर्धेत
गावकर, मालवणकर प्रथम

भंडारी महाविद्यालयाचा उपक्रम

मालवण, ता. २३ : भंडारी एज्युकेशन सोसायटी संचालित भंडारी कनिष्ठ महाविद्यालय मालवणच्या सुवर्णमहोत्सवानिमित्त आयोजित व माजी विद्यार्थी अनिकेत फाटक, अमृता फाटक पुरस्कृत, तसेच माजी विद्यार्थी ॲड. प्रथमेश सामंत यांच्याकडून चषक पुरस्कृत असलेल्या जिल्हास्तरीय वक्तृत्व स्पर्धेत शालेय गटातून तृष्णा गावकर (जय गणेश इंग्लिश मीडियम स्कूल, मालवण) व महाविद्यालयीन गटातून साईवेद मालवणकर (संत राऊळ महाराज कॉलेज, कुडाळ) या विद्यार्थ्यांनी प्रथम क्रमांक पटकावला.
भंडारी ए. सो. हायस्कूल व कनिष्ठ महाविद्यालय येथे झालेल्या या स्पर्धेत दोन्ही गटांत मिळून जिल्हाभरातील ५१ स्पर्धकांनी सहभाग घेतला. स्पर्धेचा निकाल असा ः शालेय गट - द्वितीय पार्थ सामंत (टोपीवाला हायस्कूल, मालवण), तृतीय स्वरा कांबळी (ओझर विद्यामंदिर, कांदळगाव), उत्तेजनार्थ प्रथम ओजस घाडीगावकर (टोपीवाला हायस्कूल, मालवण), उत्तेजनार्थ द्वितीय भाविका चव्हाण (आचरा हायस्कूल). महाविद्यालयीन गट-द्वितीय श्रेया शेळके (अचिर्णे ज्युनिअर कॉलेज), तृतीय रिया गिरकर (संत राऊळ महाराज कॉलेज, कुडाळ), उत्तेजनार्थ प्रथम श्रावणी आरावंदेकर (वेतोरे ज्युनिअर कॉलेज), उत्तेजनार्थ द्वितीय दिया गोलतकर (भंडारी ज्युनिअर कॉलेज, मालवण). स्पर्धेचे परीक्षण गुरुनाथ ताह्मणकर, ॲड. समीरा प्रभू, हृदयनाथ गावडे, चिंतामणी सामंत यांनी केले. विजेत्यांना २६ जुलैला सकाळी १० वाजता मालवण येथे होणाऱ्या भंडारी ए. सो. कनिष्ठ महाविद्यालयाच्या सुवर्णमहोत्सवी वर्ष सांगता समारंभात गौरविण्यात येणार आहे.