79386

आकेरीत विद्यार्थ्यांना भातशेतीचे धडे
सावंतवाडी ः आकेरी क्र. १ शाळेच्या मुलांनी शाळेनजीक मोकळ्या जागेत भातशेती करण्याचा अनुभव घेतला. जमीन नांगरणे, चिखल करणे, प्रत्यक्ष तरवा लावणे आदी कामे स्वतः मुलांनी करत त्या कामांचा अनुभव घेतला. तरुण पिढीचे शेतीकडे होणारे दुर्लक्ष, शहराचे आकर्षण या सर्व गोष्टी लक्षात घेता विद्यार्थ्यांनी गावच्या विकासासाठी शेतीकडे पुन्हा वळावे, या उद्देशाने हा उपक्रमशाळेत राबविण्यात आला. हा उपक्रम राबविण्यासाठी गावातील प्रतिष्ठित नागरिक मनोज परब यांनी सहकार्य केले.
.................
79387
पिंगुळी उपसरपंच मस्के यांचा सत्कार
कुडाळ ः पिंगुळी उपसरपंचपदी भाजपचे मंगेश मस्के यांची बिनविरोध निवड झाली. त्यांच्या निवडीबद्दल भाजप जिल्हाध्यक्ष प्रभाकर सावंत यांच्या हस्ते त्यांचे अभिनंदन करण्यात आले. जिल्हा सरचिटणीस रणजित देसाई, प्रदेश कार्यकारिणी सदस्य संध्या तेरसे, मंडल अध्यक्ष संजय वेंगुर्लेकर, महिला मोर्चा अध्यक्षा आरती पाटील, पिंगुळी सरपंच अजय आकेरकर, युवा मोर्चा अध्यक्ष रुपेश कानडे, जिल्हा कार्यकारिणी सदस्य मोहन सावंत, माजी नगरसेवक सुनील बांदेकर आदी उपस्थित होते.