विद्यार्थ्यांनो कौशल्य आत्मसात करा
ःडॉ. संदीप करे ः ‘नवनिर्माण’ध्ये युवा कौशल्य दिन
सकाळ वृत्तसेवा
रत्नागिरी, ता. २४ ः शिक्षणाच्या विविध टप्प्यात विद्यार्थ्यांनी वेगवेगळ्या प्रकारचे कौशल्य आत्मसात करणे गरजेचे आहे. विद्यार्थ्यांच्या व्यक्तीमत्त्वाच्या जडणघडणीत सॉफ्ट स्किल्स महत्त्वाची भूमिका बजावतात, असे मत डॉ. संदीप करे यांनी व्यक्त केले.
रत्नागिरीतील नवनिर्माण कनिष्ठ महाविद्यालयामध्ये जागतिक युवा कौशल्य दिनानिमित्त नवनिर्माण कनिष्ठ महाविद्यालय आणि रोटरी क्लब रत्नागिरी मीडटाऊन यांच्या संयुक्त विद्यमाने आयोजित कार्यक्रमात बोलत होते. या वेळी प्राचार्य डॉ. संजय गवाळे, रोटरी क्लब रत्नागिरी मीडटाऊनचे अध्यक्ष स्वप्ना करे, कदम उपस्थित होते. कार्यक्रमाचे सूत्रसंचालन प्रा. निकिता नलावडे यांनी केले तर आभार प्रा. श्रेया राऊत यांनी मानले. प्रास्ताविक प्रा. सुकुमार शिंदे यांनी केले. प्राचार्य डॉ. संजय गवाळे यांनी अध्यक्षीय मनोगतात विद्यार्थी करिअर निवडताना विद्यार्थ्यांना हार्ड स्किल्स मुलाखतीपर्यंत घेऊन जाऊ शकतात; परंतु नोकरी मिळवण्यासाठी आणि ती टिकवून ठेवण्यासाठी सॉफ्ट स्किल्स महत्त्वाचे असतात, असे सांगितले.