-ratchl२४६.jpg-
P२५N७९६७६
चिपळूण ः विद्यार्थ्यांना आपत्तीविषयक धडे देणारे एनडीआरएफ पथक.
-------------
‘ख्रिस्त ज्योती’मध्ये
आपत्तीविषयक मार्गदर्शन
चिपळूण ः शहरालगतच्या वालोपे येथील ख्रिस्त ज्योती कॉन्व्हेंट हायस्कूलमध्ये एनडीआरएफ पथकाकडून विद्यार्थ्यांना आपत्तीविषयक धडे देण्यात आले. शालेय सुरक्षा अभियानांतर्गत राष्ट्रीय आपत्ती प्रतिसाद दल पथकातर्फे टीम कमांडर प्रमोद राय यांनी विद्यार्थ्यांना आपत्ती व्यवस्थापनाचे प्रशिक्षण व प्रात्यक्षिक करून दाखवले. या प्रशिक्षणात नैसर्गिक व मानवनिर्मित आपत्तीवेळी घ्यावयाची दक्षता व करावयाच्या उपाययोजना याबाबत माहिती दिली. प्रथमोपचाराचे महत्त्व सांगून काही प्रथमोपचार पद्धतीचे प्रात्यक्षिक करून दाखवले. या पथकाने प्राण वाचवण्यासाठी सीपीआर देण्याचे प्रशिक्षणही दिले. पुरातील पाण्यातून बचाव करण्यासाठी वापरता येणारी साधने दाखवली. मुख्याध्यापिका सिस्टर डेल्मा यांनी एनडीआरएफ पथकाचे स्वागत केले.