गळफास घेऊन
प्रौढाची आत्महत्या
सकाळ वृत्तसेवा
संगमेश्वर, ता. २४ ः शिवधामापूर (भुसेवाडी) येथील रहिवासी कमलाकर शंकर गायकर (वय ५८) यांनी राहत्या घरात छताच्या पंख्याला नायलॉन दोरीने गळफास लावून आत्महत्या केली. ही घटना बुधवारी २३ जुलै रोजी सकाळी उघडकीस आली.
कमलाकर गायकर यांचा पत्नी, मुलगा आणि सून असा परिवार आहे; मात्र, सुमारे दोन-तीन महिन्यांपूर्वी पत्नीशी वाद झाला होता. त्यामुळे गायकर यांची पत्नी मुलासोबत वेगळी राहू लागली होती. दरम्यान, कमलाकर गायकर स्वतःच्या घरात एकटेच राहत होते. २३ जुलैला सकाळी त्यांच्या गुरांनी गोठ्यात हंबरायला सुरवात केली. गुरांना चारण्यास वडील गेले नसल्याचे लक्षात येताच मुलगा ऋषिकेश याने गोठ्यात जाऊन पाहणी केली. त्यानंतर तो घरी गेला. तेव्हा त्यांना त्याचे वडिलांनी हॉलमध्ये पंख्याच्या हुकाला नायलॉन दोरीने लटकलेले दिसले. पंचनामा करून विच्छेदनानंतर मृतदेह नातेवाइकांच्या ताब्यात देण्यात आला. याबाबत संगमेश्वर पोलिस अधिक तपास करत आहेत.
---