-rat२४p३२.jpg-
२५N७९७२१
रत्नागिरी ः कोळंबे येथील शेतकरी विनय नागवेकर यांच्या शेतावर जीजीपीएसच्या विद्यार्थ्यांनी बांधावरच्या शाळेचा अनुभव घेतला.
---
‘जीजीपीएस’तर्फे भातलावणीचा उपक्रम
रत्नागिरी, ता. २४ ः येथील जीजीपीएसमधील इको क्लबअंतर्गत मुख्याध्यापिका अपूर्वा मुरकर आणि ज्येष्ठ शिक्षिका शिल्पा प्रभू यांच्या मार्गदर्शनाखाली भातलावणीचा उपक्रम राबवला गेला.
जीजीपीएसच्या विद्यार्थ्यांनी तालुक्यातील कोळंबे येथील विनय नागवेकर यांच्या शेतात चिखल मळणी करून ट्रॅक्टर फिरवला आणि भातलावणी केली. या वेळी नागवेकर यांनी आधुनिक आणि पारंपरिक शेतीची माहिती विद्यार्थ्यांना दिली. मुलांना शेती कामाचा अनुभव घेता यावा तसेच कष्टाचे महत्त्व समजावे आणि शेतकऱ्यांविषयी आदर निर्माण व्हावा, या उद्देशाने हा उपक्रम राबवला गेला. या वेळी विद्यार्थ्यांसोबत मुख्याध्यापिका शिल्पा प्रभू, योगेश केतकर, रफत केळकर, निधी सुर्वे, अक्षया सावंत, वैदेही सुर्वे आदी उपस्थित होत्या.