-rat२४p३६.jpg-
२५N७९७५४
रत्नागिरी ः शिवाजीनगर येथील दुकान चोरट्यांनी फोडले.
----
रत्नागिरीतील दुकान चोरट्याने फोडले
पुरावा केला नष्ट ; पोलिसांपुढे आव्हान
सकाळ वृत्तसेवा
रत्नागिरी, ता. २४ : शहरात चोरट्यांची टोळी सक्रिय झाली आहे. शिवाजीनगर येथे शटर उचकटून एक दुकान फोडले. दुकानदार सर्व पैसे घेऊन गेल्यामुळे चोरट्याच्या हाती चिल्लरच लागली; परंतु चोरट्यांचे हे कृत्य सीसीटीव्ही कॅमेऱ्याध्ये कैद झाले होते. हा पुरावा नष्ट करण्यासाठी चोरट्याने सीसीटीव्हीचा सर्व डाटाच डिलीट केल्याची माहिती पुढे आली आहे.
शहरातील शिवाजीनगर येथील प्रवीण सुपर मार्केटमध्ये ही घटना घडली. रात्रीच्या सुमारास चोरट्याने दुकानाचे शटर उचकटून आत प्रवेश केला. दुकानात सीसीटीव्ही यंत्रणा बसवण्यात आली होती; मात्र चालाख चोरट्याने सर्व फूटेज डिलीट केल्याची माहिती मिळत आहे. ज्यामुळे तपासात अडथळा निर्माण झाला आहे. आज सकाळी दुकान मालकाच्या ही बाब निदर्शनास येताच त्यांनी तत्काळ पोलिसांना माहिती दिली. या घटनेमुळे नागरिकांमध्ये पुन्हा चिंतेचे वातावरण निर्माण झाले आहे.