79794

कळसुलकर शाळेच्या विद्यार्थ्यांना
रोटरीतर्फे ‘आयडीयल स्टडी अॅप’

सकाळ वृत्तसेवा
सावंतवाडी, ता. २४ ः रोटरी क्लब ऑफ सावंतवाडीच्या माध्यमातून आज सावंतवाडी एज्युकेशन सोसायटी संचलित, कळसुलकर इंग्लिश स्कूल येथील दहावीच्या विद्यार्थ्यांना उपयुक्त, असे मोबाईल शैक्षणिक आयडल स्टडी ॲपचे वितरण केले.
दहावीतील एकूण ९१ विद्यार्थ्यांना शैक्षणिक ॲप कुपन वितरित करण्यात आले. या ॲपच्या मदतीने विद्यार्थ्यांना अभ्यासक्रमातील समस्या सोडविण्यासाठी व आपली शैक्षणिक गुणवत्ता वाढीसाठी मदत होणार आहे. व्यासपीठावर रोटरी क्लब ऑफ सावंतवाडीचे अध्यक्ष अॅड. सिद्धार्थ भांबुरे, उपाध्यक्ष सीताराम तेली, रोटरीचे सदस्य श्री. भागवत, श्री. जिन्नी, श्री. शेलटकर, सावंतवाडी एज्युकेशन सोसायटीचे सचिव डॉ. प्रसाद नार्वेकर, कळसुलकर इंग्लिश स्कूलचे मुख्याध्यापक सूर्यकांत भुरे, पर्यवेक्षक सुबोध वराडकर, शिक्षिका सोनाली बांदेलकर उपस्थित होत्या. ॲड. सिद्धार्थ भांबुरे यांनी ॲपचे वैशिष्ट्य विशद केले. प्रशालेच्या वतीने रोटरी क्लब ऑफ सावंतवाडी यांचे डॉ. नार्वेकर यांनी आभार मानले.