79863

कुडाळ शहरातील खड्डे
गणेशोत्सवापूर्वी बुजवा

बांधकाम विभागाकडे मनसेची मागणी

कुडाळ, ता. २५ ः तालुक्यातील मालवण रस्ता, पिंगुळी संत राऊळ महाराज मठ रस्ता हे व इतर प्रमुख रस्त्यांवर पडलेले खड्डे गणेश चतुर्थीपूर्वी बुजवावेत यासाठी बांधकाम विभागाच्या अधिकाऱ्यांना मनसेच्या वतीने लेखी निवेदन देण्यात आले. निवेदनात म्हटले आहे की, ठेकेदारांनी केलेले रस्ते जोखीम कालावधीमध्ये आहेत. त्यांना लेखी सूचना देऊन खड्डे बुजवून रस्ता सुस्थितीत ठेवण्याची मागणी देखील करण्यात आली. यावेळी बांधकामच्या अधिकाऱ्यांनी गणेश चतुर्थीपूर्वी सर्व रस्त्यांवरील खड्डे बुजवण्याचे आश्वासन मनसैनिकांना दिले. यावर पुढील पंधरा ते वीस दिवसांत खड्डे न बुजवल्यास मनसेतर्फे बांधकाम कार्यालय कुडाळवर घंटानाद आंदोलन करण्याचा इशारा दिला. निवेदन देताना मनसे कुडाळ तालुकाध्यक्ष हेमंत जाधव, उपजिल्हाध्यक्ष कुणाल किनळेकर, उपतालुकाध्यक्ष गजानन राऊळ, विभाग अध्यक्ष प्रथमेश धुरी, वाहतूक सेनेचे विजय जांभळे, विद्यार्थी सेनेचे तालुकाध्यक्ष यतीन माजगावकर तथा राजवर्धेकर आदी उपस्थित होते.
--------
79862

सुभेदार मेजर सावंत यांचा
वेंगुर्ला रोटरीतर्फे सत्कार
वेंगुर्ले, ता. २५ ः कारिवडे-सावंतवाडी येथील सुभेदार मेजर संजय लक्ष्मण सावंत यांनी ऑपरेशन सिंदूर, ऑपरेशन पराक्रम, सर्जिकल स्ट्राईक, बालाकोट एअर स्ट्राईक, टेरर अटॅक अशा वेगवेगळ्या ऑपरेशनमध्ये सहभाग घेऊन नेतृत्व केले. तसेच प्रत्यक्ष युद्धात भाग घेतला होता. त्यांचा रोटरी क्लब ऑफ वेंगुर्लाच्या वतीने प्रेसिडेंट आनंद बोवलेकर यांनी सत्कार केला. यावेळी सावंत यांनी आपल्या सैन्यामधील ३३ वर्षांचा अनुभव सांगितला. रोटरी क्लब ऑफ वेंगुर्ला मिड टाऊनचे प्रेसिडेंट आनंद बोवलेकर व डिस्ट्रिक सेक्रेटरी राजेश घाटवळ आदी उपस्थित होते.