रत्नागिरी ‘टेस्ट ट्यूब सेंटर’मध्ये
३ ऑगस्टला मोफत तपासणी
सकाळ वृत्तसेवा
रत्नागिरी, ता. २५ : कोकणातील अत्याधुनिक रत्नागिरी टेस्ट ट्यूब बेबी अ‍ॅन्ड रिसर्च सेंटरच्या वंध्यत्वावरील मोफत तपासणी शिबिर ३ ऑगस्ट रोजी होणार आहे. यात स्त्री रोगतज्ज्ञ डॉ. तोरल शिंदे रुग्णांची तपासणी करणार आहेत.
शिवाजीनगर येथील धन्वंतरी रुग्णालयातील रत्नागिरी टेस्ट ट्यूब बेबी अ‍ॅन्ड रिसर्च सेंटरमध्ये सकाळी १० ते दुपारी १२ या वेळेत शिबिर होईल. माता-पिता होण्यासाठी इच्छुक पत्नी-पत्नींना टेस्ट ट्यूब बेबी उपचाराची आवश्यकता असल्यास उपलब्ध पर्यायांची माहिती दिली जाईल. पीसीओडीसंदर्भातील समस्या, स्त्रीबीज तयार न होणे व न फुटणे, गर्भाशयाच्या गाठी व गर्भाशय काढणे, वारंवार आययुआय, गर्भपात, पाळीच्या तक्रारी, स्त्रियांचे वजन आणि त्यामुळे येणाऱ्या समस्या, पुरुषांमधील समस्या आदी लैंगिक समस्यांवर डॉ. शिंदे मोफत मार्गदर्शन करणार आहेत.