म्हापणमध्ये आजपासून
अखंड हरिनाम सप्ताह
म्हापण ः येथील पंचक्रोशीतील श्री देव सिद्धेश्वर मंदिरामध्ये उद्या (ता.२६) अखंड हरिनाम सप्ताह होणार आहे. होणारे कार्यक्रम असे ः उद्या सकाळी ८ वाजता श्रींची पुजा व धुप आरती, १०:३० वाजता कलश स्थापना, ११ वाजता स्थानिकांची भजने, दुपारी २ वाजता दर्यावर्दी भजन मंडळ खवणे यांचे भजन, सायंकाळी ४ वाजता श्री सातेरी महिला भजन मंडळ म्हापण यांचे भजन, ५ वाजता निवती महिला भजन मंडळ निवती यांचे भजन, ६ वाजता श्री. पाटील बंधु आंदुर्ले यांचे गायन व भजन, रात्री ८ वाजता श्री गुरू मार्गी भजन मंडळ मळई यांचे भजन, ९ वाजता सुनिल गोसावी (पाट) व सहकारी यांचे गायन, १० वाजता श्री सिद्धमहापुरुष प्रासादिक भजन मंडळ म्हापण (बुवा काका गोसावी) यांचे संगित भजन, ११ वाजता संजोग परब भजन मंडळ पागेरे यांचे भजन, १२ वाजता श्री संदेश सामंत बुवा झाराप यांचे गायन (हार्मोनियम वादक-विजय कासार, कोलगाव), मध्यरात्री २ वाजता दिवाकर पाटकर बुवा यांचे गायन (तबलजी-मांजरेकर), पहाटे ४ वाजता श्री खोत भजन मंडळ म्हापण यांच्याकडुन श्रींची काकड आरती, रविवारी (ता.२७) सकाळी ७ वाजता रमाकांत रावले यांचे भजन, सकाळी १० वाजता स्थानिकांची भजने, ११ वाजता कलश विसर्जनाने कार्यक्रमाची सांगता. सर्व भाविक भक्तांनी या हरिनाम सप्ताहात सहभागी व्हावे, असे आवाहन श्री देव सिद्धेश्वर मंदिरचे व्यवस्थापक अवधुत ठाकुर व श्री देवी शांतादुर्गा-सिद्धेश्वर देवस्थान ट्रस्टचे सचिव प्रसाद ठाकुर यांनी केले आहे
--------------
कुडाळात १ ऑगस्टला
‘टु डी इको’ शिबिर
कुडाळ ः येथील जिल्हा महिला व बाल रुग्णालयात १ ऑगस्टला हृदयरोगग्रस्त प्रवर्गातील मुलांसाठी टुडी इको तपासणी शिबीर आयोजित केले आहे. शिबीरामध्ये हृदयरोग निदान झालेल्या बालकांना राष्ट्रीय बाल स्वास्थ्य कार्यक्रमांतर्ग सामंजस्य करार झालेल्या बालाजी हॉस्पिटल, मुंबई, रहेजा हॉस्पिटल, मुंबई, कोकिलाबेन हॉस्पिटल मुंबई , फोर्टिस हॉस्पिटल मुंबई, अपोलो हॉस्पिटल मुंबई, अँपल सरस्वती कोल्हापूर, ज्युपिटर हॉस्पिटल पूणे या शासन मान्यता प्राप्त रुग्णालयात संदर्भीत करून त्यांच्यावर मोफत उपचार करण्यात येणार आहेत. तरी हृदयरोगग्रस्त प्रवर्गातील जास्तीत जास्त बालकांनी या शिबिराचा लाभ घ्यावा, असे आवाहन डॉ. श्रीपाद पाटील, जिल्हा शल्य चिकित्सक सिंधुदुर्ग यांनी केले आहे. अधिक माहितीसाठी जिल्हा कार्यक्रम पर्यवेक्षक राजेश पारधी यांच्याशी संपर्क साधावा, असे आवाहन केले आहे.
----------------
आरोसमध्ये १ रोजी
कथाकथन स्पर्धा
सावंतवाडी ः आरोस पारिजात फ्रेंड सर्कलतर्फे १ ऑगस्टला (कै.) विद्याधर शिरसाट स्मृती कथाकथन स्पर्धेचे आयोजन केले आहे. ही स्पर्धा कोंडुरा तिठा येथील पारिजात मंगल कार्यालयात होणार असून सकाळी १० वाजता सुरु होईल. या स्पर्धेत पहिली ते चौथीसाठी पाच मिनिटे, पाचवी ते सातवीसाठी सात मिनिटे तर आठवी ते दहावीसाठी सात मिनिटे वेळ असून ही स्पर्धा तीन गटात घेतली जाणार आहे. विजेत्यांना रोख रक्कम व प्रशस्तीपत्र देण्यात येणार आहे. अधिक माहितीसाठी संपर्क साधण्याचे आवाहन आयोजकांनी केले आहे.
-----------------
सावंतवाडी येथे
विद्यार्थी गुणगौरव
सावंतवाडी ः तालुका भंडारी मंडळातर्फे १० ऑगस्टला दुपारी २.३० ते ५.३० या वेळेत येथील भंडारी मंडळ येथे विद्यार्थी गुणगौरव समारंभ आयोजित केला आहे. दहावीत ८० टक्के किंवा अधिक गुण आणि बारावी परीक्षेत ७० टक्के किंवा अधिक गुण, शिष्यवृत्तीधारक, पदवी, पदविका प्रथम श्रेणीत उत्तीर्ण झालेले विद्यार्थी तसेच राज्य व राष्ट्रीय स्तरावरील कला व क्रीडा क्षेत्रात विशेष नैपुण्य मिळवलेल्या भंडारी ज्ञातीतील विद्यार्थ्यांचाही गौरव करण्यात येणार आहे.