७९९७०
जलतरणपटू पूर्वाचा
आज सत्कार सोहळा
ओरोस : राष्ट्रीय पातळीवर विविध जलतरण क्रीडा स्पर्धेत यश मिळविल्याबद्दल आणि जागतिक जलतरण क्रीडा स्पर्धेत भारताचे प्रतिनिधीत्व केल्याबद्दल सिंधुदुर्गनगरी-ओरोस येथील पूर्वा गावडे हिचा उद्या (ता. २६) सकाळी ११.३० वाजता मत्स्यव्यवसाय व बंदरे विकास मंत्री तथा जिल्ह्याचे पालकमंत्री नीतेश राणे यांच्या हस्ते सिंधुदुर्गनगरी येथील पत्रकार भवनमध्ये सत्कार आयोजित केला आहे. सिंधुदुर्गनगरी जिल्हा मुख्यालय पत्रकार संघ आणि ओरोस पंचक्रोशीतील नागरिकांच्या संयुक्त विद्यमाने हा कार्यक्रम आयोजित केला आहे. या सोहळ्यास जिल्हाधिकारी अनिल पाटील, जिल्हा बँक अध्यक्ष मनीष दळवी, भाजप जिल्हाध्यक्ष प्रभाकर सावंत, मुख्य कार्यकारी अधिकारी रवींद्र खेबूडकर, ओरोस सरपंच आशा मुरमुरे, रानबाबूळी सरपंच परशुराम परब आदी उपस्थित राहणार आहेत. या कार्यक्रमास जिल्ह्यातील नागरिक व क्रिडाप्रेमींनी उपस्थित रहावे, असे आवाहन जिल्हा मुख्यालय पत्रकार संघाचे अध्यक्ष लवू म्हाडेश्वर व सचिव दत्तप्रसाद वालावलकर तसेच ओरोस ग्रामस्थांनी केले आहे.
----------------
७९९६९

पालकमंत्री राणे
आज सिंधुदुर्गात
सिंधुदुर्गनगरी ः राज्याचे मत्स्यव्यवसाय व बंदरे मंत्री तथा पालकमंत्री नीतेश राणे उद्या (ता. २६) सिंधुदुर्ग जिल्ह्याच्या दौऱ्यावर येत आहेत. त्यांचा दौरा असा ः उद्या सकाळी १०.३० वाजता मनोहर आंतरराष्ट्रीय विमानतळ, मोपा, गोवा येथे आगमन व मोटारीने सिंधुदुर्गकडे प्रयाण, ११.३० वाजता जागतिक जलतरण क्रीडा स्पर्धेत भारत देशाचे प्रतिनिधित्व केल्याबद्दल पूर्वा गावडेच्या सत्कार सोहळ्यास उपस्थिती (स्थळ ः पत्रकार भवन, सिंधुदुर्गनगरी), दुपारी २ वाजता अनुसूचित जातीसाठी आयोजित समाज संवाद व तक्रार निवारण मेळाव्यास उपस्थिती (स्थळ ः जिल्हा नियोजन सभागृह सिंधुदुर्गनगरी), सायंकाळी ६ वाजता मोटारीने रत्नागिरीकडे प्रयाण.