कुसुमताई सहकारी पतसंस्थेमध्ये
२५ दिवसांमध्ये तीन कोटीच्या ठेवी
एक ऑगस्टपर्यंत ठेववृद्धीमास; लाभ घेण्याचे आवाहन
रत्नागिरी, ता. २५ ः शहरातील प्रथितयश कुसुमताई सहकारी पतसंस्थेचा ठेव वृद्धीमास 1 जुलैपासून सुरू झाला असून, २५ दिवसांमध्ये ३ कोटी रुपयांच्या ठेवी जमा झालेल्या आहेत. ग्राहकांकडून उत्स्फूर्त प्रतिसाद मिळत असून, ठेवींसाठीची मुदत एक ऑगस्टपर्यंत सुरू राहणार आहे.
पतसंस्थेने ठेवीदारांसाठी आकर्षक व्याजदर व ठेवयोजना जाहीर केली आहे. सर्व ठेवीदारांसाठी एक वर्षांकरीत सर्वाधिक ९ टक्के व्याजदर असून, सहा महिन्यासाठी ६ टक्के व्याजदर, ३ वर्ष मासिक गुंतवणुकीवर (त्रैमासिक व्याज/वार्षिक व्याज) व्याजदर ८ टक्के तसेच ३ वर्ष पुनर्गुंतवणुकीवर ७.७५ टक्के व्याज ठेवीदारांसाठी ठेवले आहे. या योजनेला चांगला प्रतिसाद मिळत आहे. ही योजना १ ऑगस्टपर्यंत सुरू राहणार असून, त्याचा लाभ घेऊन सभासदांसह नवीन ग्राहकांनी मोठ्या प्रमाणावर गुंतवणूक करावी, असे आवाहन अध्यक्ष प्रा. दत्तात्रय उर्फ नाना शिंदे आणि उपाध्यक्ष सतीश शेवडे यांनी केले आहे.
कुसुमताई पतसंस्थेने अल्पावधीतच ग्राहकांमध्ये नाव मिळवले आहे. ग्राहकांसाठी चांगल्या सुविधा पंतसंस्थेकडून देण्यात आलेल्या आहेत. 1 जुलैपासून पतसंस्थेचा ठेववृद्धी मास सुरू होत आहे. या वर्षाखेरीस ५० कोटीचा टप्पा पार करण्याचे उद्दिष्ट संचालक मंडळाने निश्चित केले आहे. सध्या सोनेतारण कर्जाबरोबर जामीनतारण कर्जाला मागणी वाढत आहे. वीजबिल भरणा केंद्र सर्व शाखांमध्ये सुरू असून, त्याचाही फायदा ग्राहकांना व नागरिकांना मिळत आहे. आपल्या ठेवी पतसंस्थेमध्ये गुंतवून आकर्षक व्याजदराचा लाभ घ्यावा, असे आवाहन संस्थेचे उपाध्यक्ष शेवडे यांनी केले आहे.