rat२६p४.jpg -
P२५N८००५५
राजापूर ः विद्यार्थ्यांना वृक्षवाटप करताना प्रशासक प्रथमेश पाटील, ग्रामपंचायत अधिकारी साळवी आणि मान्यवर.

काही सुखद-----लोगो

तेरवण ग्रामपंचायतीतर्फे रोपांचे वाटप
‘एक पेड माँ के नाम’ उपक्रम ; पर्यावरण संवर्धनाचा संदेश
सकाळ वृत्तसेवा
राजापूर, ता. २६ : तालुक्यातील तेरवण ग्रामपंचायतीसह केंद्रशाळा आणि महिला बचतगटातर्फे ‘एक पेड माँ के नाम’ उपक्रमांतर्गत विद्यार्थ्यांनी सुमारे २००हून विविध प्रकारच्या रोपांचे वाटप करण्यात आले. या प्रसंगी वृक्ष लागवडही करण्यात आली. या उपक्रमातून तेरवण ग्रामपंचायतीने पर्यावरण संवर्धनावर भर दिला आहे.
तेरवण येथे झालेल्या या कार्यक्रमाला प्रशासक तथा कृषिविस्तार अधिकारी प्रथमेश पाटील, ग्रामपंचायत अधिकारी साळवी, पोलिस पाटील, अंगणवाडी सेविका, आशासेविका, ग्रामपंचायत कर्मचारी, रोजगार सेवक, ग्रामपंचायतीचे माजी पदाधिकारी, महिला बचतगट, ग्रामस्थ, शिक्षक आणि विद्यार्थी उपस्थित होते. शासनाच्या पर्यावरण, वन आणि हवामान बदल मंत्रालयाच्या निर्देशाप्रमाणे यावर्षी किमान शंभर झाडांची लागवड करण्याचे निर्देश दिले आहेत. पर्यावरण जतन आणि संवर्धन करणारे विविध उपक्रम तालुक्यातील तेरवण ग्रामपंचायतीच्यावतीने राबवण्यात आले आहेत. ‘एक पेड माँ के नाम’ अंतर्गत वृक्ष लागवड करण्याचा निर्धार केला होता. त्याप्रमाणे ग्रामपंचायत कार्यक्षेत्रातील जिल्हा परिषद शाळांमधील विद्यार्थ्यांना २००हून अधिक विविध प्रकारची रोपं देण्यात आली. आईला सोबत घेऊन रोपांची लागवड करावी, असे आवाहन करण्यात आले आहे. तेरवण ग्रामपंचायत, जिल्हा परिषद केंद्रशाळा, महिला बचतगट यांच्यावतीने गावामध्ये विविध ठिकाणी वृक्ष लागवड करण्यात आली.