लातूर, धाराशिवच्या समन्वयकपदी
डॉ. राजन साळवी यांची निवड
सकाळ वृत्तसेवा
राजापूर, ता. २६ : शिवसेनेचे मुख्य नेते आणि उपमुख्यमंत्री एकनाथ शिंदे यांनी राजापूर-लांजा-साखरपा विधानसभा मतदार संघाचे माजी आमदार डॉ. राजन साळवी यांच्याकडे लातूर आणि धाराशीव जिल्ह्याचे शिवसेनेचे समन्वयक म्हणून जबाबदारी दिली आहे. शिवसेनेचे समन्वयक म्हणून दोन्ही जिल्ह्यातील स्थानिक पदाधिकाऱ्यांशी संवाद साधण्यासाठी ते उद्यापासून (ता. २७) लातूर आणि धाराशीव जिल्ह्याच्या दौऱ्‍यावर आहेत.
शिवसेनेचे मुख्य नेते आणि राज्याचे उपमुख्यमंत्री एकनाथ शिंदे यांनी माजी आमदार डॉ. साळवी यांच्याकडे लातूर अणि धाराशीव या दोन्ही जिल्ह्याचे समन्वयक म्हणून जबाबदारी दिली आहे. त्यानुसार, माजी आमदार साळवी उद्यापासून लातूर आणि धाराशीव जिल्हा दौऱ्यावर आहेत. त्यामध्ये उद्या (ता. २७) सकाळी ११ वाजता लातूर शहर आणि लातूर ग्रामीण विधानसभा मतदार संघ, दुपारी २ वाजता निलंगा व औसा विधानसभा मतदार संघ, सायंकाळी ५ वाजता उदगीर व अहमदपूर विधानसभा मतदार संघ येथे सभा होणार आहेत. सोमवारी (ता. २८) आमदार तानाजी सावंत, रवींद्र गायकवाड, ज्ञानदेव चौगुले यांच्या उपस्थितीमध्ये धाराशीव जिल्हा दौरा करणार असून, त्यामध्ये सकाळी १०.३० वा. उमरगा विधानसभा मतदार संघ, दुपारी २ वा. तुळजापूर विधानसभा मतदार संघ, सायंकाळी ४ वा. धाराशिव-परंडा विधानसभा मतदार संघ येथे बैठका होणार असून, या वेळी ते स्थानिक पदाधिकारी यांच्याशी संवाद साधणार आहेत.