रत्नागिरी शहरात
पाणी टंचाई
रत्नागिरी, ता. २६ ः भरपावसात शनिवारी (ता. २६) रत्नागिरी शहराचा पाणीपुरवठा बंद झाला. त्यामुळे ऐन पावसाळ्यात शीळ परिसरामध्ये विद्युत्‌पुरवठा खंडित झाल्याने हा प्रश्न निर्माण झाला. दिवसभरात महावितरणकडून दुरूस्तीचे काम सुरू असल्यामुळे रविवारपासून (ता. २७) शहराला नियमित पाणीपुरवठा होणार आहे. रत्नागिरी शहराला पाणीपुरवठा झाला नाही त्यामुळे भरपावसात शहरात पाणीटंचाई संकट निर्माण झाले; परंतु हा प्रश्न पालिकेच्या पाणीयोजनेचा नव्हता तर महावितरणच्या मुख्य वाहिनीत दोष निर्माण झाला. त्यामुळे विद्युत्‌पुरवठा खंडित होऊन पाणीपुरवठा बंद झाला होता. दिवसभरात महावितरणकडून दुरुस्ती करण्यात आली. त्यामुळे रविवारपासून शहराला सुरळीत पाणीपुरवठा होणार असल्याची रत्नागिरी पालिकेच्या अधिकाऱ्यांनी माहिती दिली आहे.