80280

एडुब्रॉड एज्युकेशन संस्थेतर्फे
परदेशांमध्ये नोकरीच्या संधी

राहुल नाईक ः विद्यार्थ्यांना सहकार्य

सकाळ वृत्तसेवा
कुडाळ, ता. २७ ः कोकणसह संपूर्ण महाराष्ट्रातील युवकांसाठी जर्मनीमध्ये अतिशय कमी शुल्कात शासनाच्या विविध योजनाअंतर्गत विविध कोर्सेस उपलब्ध आहेत. त्यासाठी सर्वतोपरी सहकार्य करण्यासाठी कटिबद्ध आहोत. पालक आणि मुलांची जर्मनीमध्ये जाण्याची तयारी महत्त्वाची आहे. परदेशात नोकरीच्या अनेक संध्या आहेत. त्याचा लाभ येथील तरुणांनी घ्यावा, अशी माहिती एडुब्रॉड एज्युकेशन अँड करियर गायडन्स सेंटरचे प्रमुख राहुल नाईक यांनी पत्रकार परिषदेत दिली. राज्यासह सिंधुदुर्गातील मुलेही ‘एडुब्रॉड’च्या माध्यमातून शिक्षण आणि रोजगाराच्या संधी घेत आहेत, अशी माहिती त्यांनी दिली.
येथील युवा उद्योजक राहुल नाईक यांनी सिंधुदुर्गातील विद्यार्थीही युरोपमध्ये शिक्षणासाठी यावीत, यासाठी एडुब्रॉड एज्युकेशन अँड करियर गायडन्स सेंटर बर्लिन या नावाने स्वतःची संस्था सहा वर्षांपूर्वी सुरू केली. याबाबतची माहिती येथील स्पाईस कोकणच्या राजवाडा दालनात घेतलेल्या पत्रकार परिषदेत दिली. यावेळी उद्योजक ॲड. श्रीनिवास नाईक, स्नेहा नाईक, श्रुती नाईक आदी उपस्थित होते. श्री. नाईक म्हणाले, ‘‘युरोपमध्ये विविध अभ्यासक्रमांसाठी येणाऱ्या भारतीय मुलांसाठीच ही संस्था काम करते. भारतीय विद्यार्थ्यांना योग्य विद्यापीठ निवडून देणे, योग्य कोर्स निवडणे, व्हिसा करणे, युरोपमध्ये राहण्यासाठी मार्गदर्शन करणे अशी विविध कामे संस्थेमार्फत केली जातात. जर्मन आणि फ्रेंच भाषेचे वर्ग सुरू केले आहेत. हे वर्ग ऑनलाईन सुरू  आहेत. मी १५ वर्षांपासून बर्लिन (जर्मनी) येथे राहत आहे. ऑटोमोबाईल इंजिनिअरिंग मास्टर्सची डिग्री येथे घेतली आणि नोकरी सुरू केली. येथे आल्यावर विद्यार्थ्यांना समस्यांना सामोरे जावे लागते. हे लक्षात घेत स्वतःची संस्था सुरू केली आणि आजपर्यंत हजारो विद्यार्थी संस्थेमार्फत युरोपमधल्या विविध देशांमध्ये उच्च शिक्षण घेत आहेत. ही संस्था केवळ उच्च शिक्षणच नाही तर युरोपमधल्या अनेक संस्थांमध्ये नोकरी देण्याचे काम करते. दोन वर्षांपूर्वी सिंधुदुर्ग शाखा सुरू केली आहे. कोल्हापूर शाखाही कार्यरत  आहे. सिंधुदुर्गातील १५ पेक्षा जास्त विद्यार्थी आणि विद्यार्थिनींनी जर्मनीत उच्च शिक्षण घेण्यास सुरुवात केली आहे. ‘ऑनलाईन लँग्वेज ट्रेनिंग’चे काम माझी पत्नी  श्रुती नाईक  करते. संस्थेतर्फे करिअर समुपदेशन, अर्ज सहाय्य, आर्थिक मदत आणि बजेट एक्स्प्लोरसाठी मदत, निवास आणि नेटवर्किंगसह प्रवासाचे समन्वय साधते.’