टपाल कार्यालयामध्ये
रक्षाबंधनासाठी रंगीत पाकिटे
पावस, ता. २८ ः रक्षाबंधन सणानिमित्त जिल्ह्यामधील सर्व डाक कार्यालयांमध्ये विशेष रंगीत राखी पाकीट विक्रीस उपलब्ध करून देण्यात आले आहे. या पाकिटाची किंमत १२ रुपये आहे. पाकिटातून राखी देश-विदेशात कुठेही पाठवता येईल. या सुविधेचा लाभ घ्यावा, असे आवाहन अधीक्षक डाकघर ए. डी. सरंगले यांनी केले आहे. भावा-बहिणीचे नाते अधिक दृढ करणारा, त्यांच्या नात्यातील प्रेमाचा गोडवा वाढवणारा आणि भावा-बहिणीच्या अतूट नात्याचे प्रतीक असणारा असा रक्षाबंधन सण ९ ऑगस्टला आहे. अनेक बहिणींना प्रत्यक्ष जाऊन भावाच्या हातावर राखी बांधून रक्षाबंधन सण साजरा करणे शक्य नसते, अशावेळी डाक विभागामार्फत जिल्ह्यातील सर्व डाक कार्यालयांमध्ये एकूण २३ हजार विशेष रंगीत राखी पाकीट विक्रीस उपलब्ध करून देण्यात आली आहेत. या पाकिटाची किंमत १२ रुपये आहे. या पाकिटातून राखी देश-विदेशात कुठेही पाठवता येईल. वेळेत राख्या पोहोच करण्यासाठी त्यामुळे टपालाचे वर्गीकरण करताना राखी टपालाला प्राधान्य देण्यात येणार आहे.